ଯୌନ ଶୋଷଣ ଅଭିଯୋଗ ପରେ ନାନା ପାଟେକର୍ ଏବଂ ସାଜିଦ୍ ଖାନ ଯେଉଁ ସିନେମାରୁ ଓହରିଥିଲେ, ତାହା ଆଜି ପରଦାକୁ ଆସୁଛି
ମୁମ୍ବାଇ: ଆଜି ରିଲିଜ୍ ହେଉଛି ଏବର୍ଷର ଅନ୍ୟତମ ବହୁପ୍ରତୀକ୍ଷିତ ସିନେମା ‘ହାଉସଫୁଲ୍-୪’। ‘ହାଉସଫୁଲ୍-୪’ରେ ଅକ୍ଷୟ କୁମାର, ରିତେଶ୍ ଦେଶମୁଖ୍,ବବି ଦେଓଲ୍,ଶରଦ୍ କେଲକର୍,ପୂଜା ହେଗ୍ଡେ,କ୍ରିତି ଖରବନ୍ଦା, କ୍ରିତି ସାନନ୍ , ଚଙ୍କି ପାଣ୍ଡେ ଏବଂ ନୱାଜୁଦ୍ଦିନ ସିଦ୍ଦିକୀ ପ୍ରମୁଖ ମୁଖ୍ୟ ଭୂମିକାରେ ଅଛନ୍ତି।ଫରହାଦ୍ –ସାମଜି ଏହାର ନିର୍ଦ୍ଦେଶକ।
Sambad is now on WhatsApp
Join and get latest news updates delivered to you via WhatsApp
ସ୍ମରଣଯୋଗ୍ୟ, ପ୍ରଥମେ ‘ହାଉସଫୁଲ୍-୪’ର ନିର୍ଦ୍ଦେଶନା ଦେଉଥିଲେ ସାଜିଦ୍ ଖାନ୍। ସାଜିଦ୍ ନାଡିଆଡଓ୍ଵାଲାଙ୍କ ପ୍ରଯୋଜିତ ‘ହାଉସଫୁଲ୍-୪’ର ସୁଟିଂ କରୁଥବା ବେଳେ ନିର୍ଦ୍ଦେଶକ ସାଜିଦ୍ ଖାନ୍ଙ୍କ ନାଆଁରେ ବି ଯୌନ ଶୋଷଣର ଅଭିଯୋଗ ଆସିବାପରେସେ ‘ହାଉସ୍ଫୁଲ୍-୪’ରୁ ଓହରି ଯାଇଥିଲେ।ଠିକ୍ ସେହିପରି ନାନା ପାଟେକର୍ଙ୍କୁ ଏଥିରୁ ଅନୁରୂପ କାରଣରୁ ଓହରିବାକୁ ପଡ଼ିଥିଲା।
ବଲିଉଡ ସୁପରଷ୍ଟାର୍ ଅକ୍ଷୟ କୁମାରଙ୍କ ‘ହାଉସଫୁଲ୍-୪’ ଆଉ ଏକ ରେକର୍ଡ ସୃଷ୍ଟି କରିଥିବା କୁହାଯାଉଛି। ଏହି ଫିଲ୍ମର ଏକ ବଡ଼ ଡିଲ୍ ହୋଇଥିବା ଜଣାଯାଇଛି। ପ୍ରାପ୍ତ ସୂଚନା ଅନୁଯାୟୀ,ସାଜିଦ୍ ନାଡିଆଡଓ୍ଵାଲାଙ୍କ ପ୍ରଯୋଜିତ ‘ହାଉସ୍ଫୁଲ-୪’ର ସମସ୍ତ ରାଇଟ୍ସ ୨୦୦ କୋଟି ଟଙ୍କାରେ ବିକ୍ରି ହୋଇଛି। ଏଥିରେ ଥିଏଟ୍ରିକାଲ୍,ଓଭରସିଜ୍,ସାଟେଲାଇଟସ୍ ଓ ଡିଜିଟାଲ୍ ରାଇଟ୍ସ ଆଦି ଅନ୍ତର୍ଭୁକ୍ତ। କୁହାଯାଉଛି ଫକ୍ସ ଷ୍ଟାର୍ ଇଣ୍ଡିଆ ଉପରୋକ୍ତ ସମସ୍ତ ରାଇଟ୍ସ ନିର୍ମାତା ସାଜିଦ୍ ନାଡିଆଡଓ୍ଵାଲାଙ୍କଠାରୁ କ୍ରୟ କରିଛି। ଏଭଳି ଡିଲ୍ କରାଯିବାର ଏହା ପ୍ରଥମ।