ରିଲିଜ୍ ହେଲା ସୈଫ ଅଲ୍ଲୀ ଖାନ୍ଙ୍କ ‘କାଲାକାଣ୍ଡି’ର ଟ୍ରେଲର
ନୂଆଦିଲ୍ଲୀ: ବି-ଟାଉନର ଛୋଟେନଓ୍ଵାବ ସୈଫ ଅଲ୍ଲୀ ଖାନଙ୍କ ଆଗାମୀ ଚଳଚ୍ଚିତ୍ର ‘କାଲାକାଣ୍ଡି’ର ଟ୍ରେଲର ରିଲିଜ ହୋଇଛି। କିଛି ଦିନ ପୂର୍ବରୁ ଏହାର ପ୍ରଥମ ପୋଷ୍ଟର ଏବଂ ଟିଜର ରିଲିଜ ହୋଇଥିଲା । ଟ୍ରେଲରରେ ସୈଫ୍ କମେଡ଼ି ଚରିତ୍ରରେ ନଜର ଆସିଛନ୍ତି । ଚଳଚ୍ଚିତ୍ରରେ ତାଙ୍କର ଚରିତ୍ର ନିଶ୍ଚିତ ଭାବେ ଦର୍ଶକଙ୍କୁ ଆଶ୍ଚର୍ଯ୍ୟ କରିଦେବ । ଏହି ଚଳଚ୍ଚିତ୍ରରେ ତାଙ୍କ ସହ ଅଭିନୟ କରିଛନ୍ତି ଅକ୍ଷୟ ଓବରଏ,ଦୀପକ ଡ଼ୋବ୍ରିୟାଲ, କୁନାଲ ରଏ କପୁର, ବିଜୟ ରାଜ, ଶୋଭିତ ଧୁଲିପାଲା ଏବଂ ଇଶା ତଲଓ୍ଵାର ।
Sambad is now on WhatsApp
Join and get latest news updates delivered to you via WhatsApp
ସୈଫଙ୍କ ଭିନ୍ନ ଅଭିନୟ ସହ ଦୀପକ ଡ଼ୋବ୍ରିୟାଲ ଏବଂ ବିଜୟ ରାଜଙ୍କ ଭିନ୍ନ ଅଭିନୟ ଦର୍ଶକଙ୍କୁ ଭଲ ଲାଗିବ ବୋଲି ଆଶା କରୁଛୁ । ଚଳଚ୍ଚିତ୍ରରେ ବହୁତ ଚରିତ୍ର ରହିଥିବା ବେଳେ ସମସ୍ତ ଚରିତ୍ରର ଭିନ୍ନ ମହତ୍ତ୍ୱ ରହିଛି ବୋଲି କହିଛନ୍ତି ଚଳଚ୍ଚିତ୍ରର ନିର୍ଦ୍ଦେଶକ ଅକ୍ଷତ ବର୍ମା। ଚଳଚ୍ଚିତ୍ରଟି ଆସନ୍ତା ବର୍ଷ ଜାନୁୟାରି ୧୨ରେ ରିଲିଜ ହେବାକୁ ଯାଉଛି।