ଭୂଷଣ କୁମାରଙ୍କ ବିରୋଧରେ ଯୌନ ଶୋଷଣର ଆରୋପକୁ ସମ୍ପୂର୍ଣ୍ଣ ମିଛ ବୋଲି କହିଲେ ପୀଡ଼ିତା, ଆରୋପ ଲଗାଇବା ପଛରେ ରହିଥିଲା ଏଭଳି କାରଣ
ମୁମ୍ବାଇ : #ମି ଠୁ ଅଭିଯାନ ଆରମ୍ଭ ହେବା ପରେ ଅନେକ ନେତା ଅଭିନେତା ଏହାର ଶିକାର ହୋଇଥିଲେ । ବହୁ ବଡ଼ ବଡ଼ ବ୍ୟକ୍ତିଙ୍କ ଉପରେ ଲାଗିଥିଲା ଯୌନ ଶୋଷଣର ଅଭିଯୋଗ । ସେ ମଧ୍ୟରେ ଗୋଟିଏ ନାଁ ଥିଲା ଟି-ସିରିଜ୍ର ଚେୟାରମ୍ୟାନ୍ ଭୂଷଣ କୁମାରଙ୍କର । ଭୂଷଣଙ୍କ ନାମରେ ଅଭିଯୋଗ ଆସିବା ପରେ ତାଙ୍କ ପତ୍ନୀ ଅଭିନେତ୍ରୀ ଦିବ୍ୟା ଖୋସଲା କୁମାର ଆରୋପକୁ ସଂପୂର୍ଣ୍ଣ ମିଛ ବୋଲି କହି ନିଜ ସ୍ୱାମୀଙ୍କୁ ସମର୍ଥନ କରିଥିଲେ । ଏବେ ଅଭିଯୋଗ ଲଗାଇଥିବା ମହିଳା ମଧ୍ୟ ନିଜେ ଆରୋପକୁ ମିଛ ବୋଲି ସ୍ୱୀକାର କରିଛନ୍ତି । ଅବସାଦଗ୍ରସ୍ତ ହୋଇ ମୁଁ ଏପରି କହିଥିବା କହିବା ସହ ଜାନୁଆରି ୧୬,୨୦୧୯ରେ ମୁମ୍ବାଇର ଓଶିଓ୍ଵାରା ପୁଲିସ ଷ୍ଟେସନରେ କରିଥିବା ଅଭିଯୋଗକୁ ଫେରାଇ ଆଣିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜାନୁଆରି ୧୬ରେ ସେ ଭୂଷଣ କୁମାରଙ୍କ ବିରୋଧରେ ଅଭିଯୋଗ ଆଣିବା ପରେ ସେହି ଦିନ ହିଁ ଅଭିଯୋଗକୁ ଫେରାଇ ଆଣିଥିଲେ । ଏହା ସହ ନିଜ ଭୁଲ ପାଇଁ ଭୂଷଣ କୁମାର ଏବଂ କ୍ରିଷନ୍ କୁମାରଙ୍କୁ କ୍ଷମା ମାଗିଥିବା ଦେଖା ଯାଇଛି ।
ମହିଳାଜଣଙ୍କ ପୁଲିସକୁ ଦେଇଥିବା ହାତଲେଖା ଚିଠିରେ ଲେଖିଛନ୍ତି, ‘ମୁଁ ଭୂଷଣ କୁମାର ଏବଂ କ୍ରିଷନ୍ କୁମାରଙ୍କ ବିରୋଧରେ ଯୌନ ଶୋଷଣର ଯେଉଁ ଅଭିଯୋଗ ଆଣିଥିଲି,ତାହା ଫେରାଇ ନେଉଛି । ମୁଁ ଯାହା ବି ଆରୋପ ଲଗାଇଥିଲି ତାହା ସଂପୂର୍ଣ୍ଣ ମିଛ । ଅବସାଦଗ୍ରସ୍ତ ହୋଇ ମୁଁ ଏପରି କରିଥିଲି । ଦୁହିଁଙ୍କ ସମ୍ମାନରେ କୌଣସି କ୍ଷତି ପହଞ୍ଚାଇବା ଉଦ୍ଦେଶ୍ୟରେ ମୁଁ ତାହା କରି ନଥିଲି । ଭବିଷ୍ୟତରେ ଏଭଳି ଭୁଲ ହେବ ନାହିଁ । ମୁଁ କ୍ରିଷନ୍ କୁମାରଙ୍କୁ ଅନୁରୋଧ କରୁଛି ସେ ମୋ ବିରୋଧରେ ଅମ୍ବୋଲି ପୁଲିସ ଷ୍ଟେସନରେ କରିଥିବା ଅଭିଯୋଗ ଫେରାଇ ଆଣନ୍ତୁ।’
ଏହି ଚିଠିଟି ସୋସିଆଲ ମିଡିଆରେ ଭାଇରାଲ ହୋଇଛି ।