ଶାଢ଼ି ପିନ୍ଧି ଝିଅ ଭଳି ସଜେଇ ହୋଇ ରାସ୍ତାରେ ବୁଲିବୁଲି ଟଙ୍କା ମାଗୁଛନ୍ତି ଅଭିନେତା

ନୂଆଦିଲ୍ଲୀ: ଟେଲିଭିଜନର ଜଣେ ଅଭିନେତାଙ୍କୁ ଝିଅ ଭଳି ସଜେଇ ହୋଇ ରାସ୍ତାରେ ଲୋକଙ୍କୁ ତାଳି ବଜାଇ ଟଙ୍କା ମାଗୁଥିବାର ଦେଖିବାକୁ ମିଳିଛି। ଏହି ଅଭିନେତା ଜଣକ ହେଉଛନ୍ତି ଶରଦ ମଲହୋତ୍ରା। ଶରଦଙ୍କ ଏଭଳି ଅବସ୍ଥା ଦେଖି ତାଙ୍କ ପ୍ରଶଂସକମାନେ ଚିନ୍ତାରେ ପଡ଼ିଯାଇଛନ୍ତି।

ଏମିତି କେଉଁ ପରିସ୍ଥିତି ଆସିଲା ଯେ ଶରଦଙ୍କୁ ରାସ୍ତାକୁ ଓହ୍ଲାଇ ଲୋକଙ୍କୁ ଟଙ୍କା ମାଗିବାକୁ ପଡ଼ିଲା ବୋଲି ଅଭିନେତାଙ୍କ ପ୍ରଶଂସକ ପ୍ରଶ୍ନ କରିଛନ୍ତି। କାରଣ ଶରଦ ତ ଜଣେ ଚର୍ଚ୍ଚିତ ଅଭିନେତା। ଶୁଣିବାକୁ ମିଳିଛି କି ତାଙ୍କ ପାଖରେ ଭଲ କାମ ବି ଅଛି। ତେବେ ପୁଣି ଅଭିନେତାଙ୍କ ଏଭଳି ପରିସ୍ଥିତି କ’ଣ ପାଇଁ ଆସିଲା ବୋଲି ଫ୍ୟାନ୍ସଙ୍କ ମନରେ  ପ୍ରଶ୍ନବାଚୀ ସୃଷ୍ଟି ହୋଇଛି।

ବାସ୍ତବ କଥା ହେଲା ଶରଦ ଏଏଲଟି ବାଲାଜୀର ସିରିଜ ‘ହନିଟ୍ରାପ ସ୍କାର୍ଡ’ରେ ମୁଖ୍ୟ ଭୂମିକାରେ ଅଭିନୟ କରୁଛନ୍ତି। ଏଥିପାଇଁ ତାଙ୍କୁ କିନ୍ନର ଭଳି ବେଶ ଧାରଣ କରିବାକୁ ପଡ଼ିଛି। କିନ୍ନର ଭୂମିକାକୁ ଅବିକଳ ତୁଲାଇବା ପାଇଁ ଶରଦ ଅନେକ ପରିଶ୍ରମ ବି କରିଛନ୍ତି। ସେଥିପାଇଁ ତ ରାସ୍ତାରେ ଶରଦଙ୍କୁ ଦେଖିଲେ ଚିହ୍ନିବା କଷ୍ଟକର ହୋଇଥିଲା।

ଶରଦଙ୍କ ଏଭଳି ବେଶ ଦେଖି ଜଣେ ଫ୍ୟାନ୍ସ ପ୍ରତିକ୍ରିୟା ଦେଇ ଲେଖିଛନ୍ତି, ଜଣେ ଏତେ ଅବିକଳ କେମିତି ଅଭିନୟ କରି ପାରିବ। ବାସ୍ତବରେ ଶରଦ ତୁମ ଅଭିନୟ ପ୍ରଶଂସନୀୟ। ତୁମକୁ ଏଭଳି  ବେଶରେ ଦେଖିବାକୁ ମଜା ବି ଲାଗୁଛି।