ମୁମ୍ବାଇ: ଟେଲିଭିଜନ ଅଭିନେତ୍ରୀ ବୈଷ୍ଣବି ଧନରାଜଙ୍କ ଏକ ଇନଷ୍ଟାଗ୍ରାମ ଭିଡିଓ ସାମ୍ନାକୁ ଆସିଛି। ଯେଉଁଥିରେ ସେ କିଛି ଷ୍ଟୋରି ସେୟାର କରି ‘ହେଲପ’ ବୋଲି ଲେଖିଛନ୍ତି।

Advertisment

ସାମ୍ନାକୁ ଆସିଥିବା ବୈଷ୍ଣବି ଭିଡିଓରେ କହୁଛନ୍ତି,‘ ପରିବାରଲୋକ ମୋତେ ମାଡ଼ ମାରିଛନ୍ତି। ମୁଁ ‌ଏବେ କାଶିମୀରା ପୁଲିସ ଷ୍ଟେସନରେ ଅଛି। ମୋ‌ତେ ଦୟା କରି ସାହାଯ୍ୟ କରନ୍ତୁ।  ମୋ ପରିବାର ମୋତେ ମାଡ଼ ମାରିଛନ୍ତି। ପରିବାରଲୋକ ମୋ ଫୋନ ବି ରଖି ଦେଇଛନ୍ତି।

ହିଂମାଶୁ ଶୁକ୍ଳା କରିଥିବା ଟୁଇଟରେ ତାଙ୍କ ସାଙ୍ଗ ବୈଷ୍ଣବିଙ୍କ ସାହାଯ୍ୟ ପାଇଁ ଲୋକଙ୍କୁ ଅନୁରୋଧ କରିଛନ୍ତି। ମୁମ୍ବାଇ ପୁଲିସ ହିମାଂଶୁଙ୍କ ଟୁଇଟର ଉତ୍ତର ଦେଇଛି। ବୈଷ୍ଣବିଙ୍କ ଏହି ଅଭିଯୋଗକୁ ନେଇ ତାଙ୍କ ପରିବାରଲୋକଙ୍କ ପକ୍ଷରୁ କୌଣସି ପ୍ରତିକ୍ରିୟା ସାମ୍ନାକୁ ଆସିନାହିଁ। ତେବେ ରିପୋର୍ଟ ଲେଖାହେଲା ପର୍ଯ୍ୟନ୍ତ ଏହି ଘଟଣାର ସ୍ପଷ୍ଟ ସୂଚନା ମିଳି ପାରି ନଥିଲା।

ବୈଷ୍ଣବି ଅନେକ ବଡ ବଡ ଟେଲିଭିଜନ ସୋ’ରେ ନଜର ଆସିଛନ୍ତି। କ୍ରାଇମ ଡ୍ରାମା ସୋ ‘ସିଆଇଡି’, ‘ତେରେ ଇସ୍କ ମେଁ ଘାୟଲ’ ଏବଂ ‘ବେପନାହ’ ପରି ଲୋକପ୍ରିୟ ସୋ’ରେ ବୈଷ୍ଣବିଙ୍କ ଅଭିନୟ ଦେଖିବାକୁ ମିଳିଥିଲା।