ସମସ୍ତଙ୍କ ଗୁପ୍ତ କଥା ଜାଣିବାକୁ ଉଦ୍ୟମ କରୁଥିବା କରଣଙ୍କୁ ଏହି ଉତ୍ତର ଦେଇ ଚୁପ୍‌ କରାଇ ଦେଲେ ଆଦିତ୍ୟ ରୟ କପୁର୍‌

ମୁମ୍ବାଇ: ଲୋକପ୍ରିୟ ଚାଟ୍‌ ସୋ’ ‘କଫି ଉଇଥ୍‌ କରଣ’ର ଅଷ୍ଟମ ସିଜିନ୍‌ରେ ପ୍ରଶଂସକମାନେ ଅନେକ ମଜାଦାର ଜିନିଷ ଦେଖିବାକୁ ଯାଉଛନ୍ତି। ସିନେ ନିର୍ମାତା କରଣ ଜୋହରଙ୍କ ଏହି ସୋ’ର ପରବର୍ତ୍ତୀ ଅତିଥି ହେଉଛନ୍ତି ଅର୍ଜୁନ କପୁର ଏବଂ ଆଦିତ୍ୟ ରୟ କପୁର। ଏହି ଦୁଇ ଜଣ ସୋ’କୁ ନିଜ ସଂପର୍କିତ ଅନେକ କଥା କହିଛନ୍ତି।

ରିଲିଜ୍ ହୋଇଥିବା ପ୍ରୋମୋରେ ଆଦିତ୍ୟ ରୟ କପୁର ଏବଂ ଅର୍ଜୁନ କପୁର କରଣଙ୍କ ସୋ’ରେ ପରସ୍ପରଙ୍କ ଗୋଡ଼ ଟାଣୁଥିବାର ଦେଖିବାକୁ ମିଳିଛି। କରଣ ଜୋହର ମଧ୍ୟ ଏଥିରେ ଆଦୌ ପଛରେ ପଡ଼ିନାହାନ୍ତି।

ସୋ’ରେ ଆଦିତ୍ୟଙ୍କୁ ଅତିଥି ରୂପେ ପାଇବାର ସୁଯୋଗ ନେଇ କରଣ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ସହ ତାଙ୍କର ଡେଟିଂ ପ୍ରସଂଗରେ ପ୍ରଶ୍ନ କରିଥିଲେ, ଯାହାର ଏକଦମ୍ ମଜାକିଆ ଢଙ୍ଗରେ ଉତ୍ତର ଦେଇଛନ୍ତି ଆଦିତ୍ୟ।

କରଣ ଆଦିତ୍ୟଙ୍କୁ ଅନନ୍ୟା ପାଣ୍ଡେଙ୍କୁ ଡେଟ କରିବାର ପ୍ରଶ୍ନ ପଚାରିଥିଲେ। ଏହାର ଉତ୍ତରରେ ଆଦିତ୍ୟ କହିଛନ୍ତି, ‘‘ମୋତେ କୌଣସି ରହସ୍ୟ ପଚାରନ୍ତୁ ନାହିଁ, ମୁଁ ମିଥ୍ୟା ବ୍ୟତୀତ ଅନ୍ୟ କିଛି କହିବି ନାହିଁ।’’ ଅଭିନେତାଙ୍କ ଏହି ଉତ୍ତର କେବଳ କରଣଙ୍କୁ ଚକିତ କରି ନଥିଲା ବରଂ ତାଙ୍କୁ ନୀରବ କରାଇଦେଲା।

ପ୍ରଶ୍ନ-ଉତ୍ତର ରାଉଣ୍ଡରେ କରଣ ଜୋହର ଅର୍ଜୁନ କପୁରଙ୍କୁ ପଚାରିଥିଲେ ଯଦି ସେ ଶ୍ରଦ୍ଧା କପୁର ଏବଂ ଅନନ୍ୟା ପାଣ୍ଡେଙ୍କ ସହ ଲିଫ୍ଟରେ ଅଟକି ଯାଆନ୍ତି ତେବେ ସେ କ’ଣ କରିବେ? ଏହା ଉପରେ ଅର୍ଜୁନ କହିଛନ୍ତି ଯେ ସେ ନିଶ୍ଚିତ ଭାବେ ପ୍ରେମ କରି‌ବେ। ହେଲେ କାହା ସହ କରିବେ ଜାଣନ୍ତି ନାହିଁ। ତା’ପରେ ଅର୍ଜୁନ ହସି ହସି ଥଟ୍ଟା କରୁଛନ୍ତି ବୋଲି କହିଥିଲେ।