ସାପ ପରେ ଏବେ ଚର୍ଚ୍ଚାରେ ଇଚ୍ଛାଧାରୀ ମାଙ୍କଡ଼, ଧାରାବାହିକରେ ଏଭଳି ଚରିତ୍ର ଆଣୁଥିବାରୁ ଟ୍ରୋଲ ହେଲେ ନିର୍ମାତା

ମୁମ୍ବାଇ: ସାପ ପରେ ଏବେ ଚର୍ଚ୍ଚାରେ ଇଚ୍ଛାଧାରୀ ମାଙ୍କଡ଼। ଧାରାବାହିକରେ ଏଭଳି ଚରିତ୍ର ଆଣୁଥିବାରୁ ଟ୍ରୋଲ ହେଲେ ନିର୍ମାତା। ଏକାଧିକ ଧାରାବାହିକରେ ଇଚ୍ଛାଧାରୀ ପଶୁଙ୍କ ଚରିତ୍ର ଆଣିବା ଏବେ ଏକ ସାଧାରଣ କଥା ହୋଇଗଲାଣି। ପୂର୍ବରୁ ଇଚ୍ଛାଧାରୀ ସାପକୁ ନେଇ ଅନେକ ଧାରାବାହିକ ନିର୍ମାଣ କରାଯାଇଥିବା ବେଳେ ଏବେ ଏକ ହିନ୍ଦୀ ଧାରାବାହିକରେ ଇଚ୍ଛାଧାରୀ ମାଙ୍କଡ଼ ଚରିତ୍ର ଅଣାଯାଇଛି। ନିର୍ମାତା ଏଭଳି ଚରିତ୍ର ଆଣିବା ପରେ ଏବେ ଲୋକେ ଏହାକୁ ନାପାସନ୍ଦ କରିବା ସହ ଟ୍ରୋଲ କରିବା ଆରମ୍ଭ କରିଛନ୍ତି।

ସାପ, ଝିଟିପିଟି, ବିଛା ଓ କୁମ୍ଭୀର ପରେ ଏବେ ଧାରାବାହିକ ଦିବ୍ୟଦୃଷ୍ଟିରେ ଇଚ୍ଛାଧାରୀ ମାଙ୍କଡ଼ର ଏଣ୍ଟ୍ରି ହୋଇଥିବା ଜଣାପଡ଼ିଛି। ଧାରାବାହିକର ନୂତନ ଅଧ୍ୟାୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି, ଯେଉଁଥିରେ ହିରୋଇନ ଡମ୍ବରୁ ବଜାଉଥିବା ଦେଖାଯାଇଛି। ଡମ୍ବରୁ ବଜାଇବା ପରେ ଏହାର ଶବ୍ଦ ଶୁଣି ଧାରାବାହିକର ଜଣେ ଚରିତ୍ର ଇଚ୍ଛାଧାରୀ ମାଙ୍କଡ଼ ପାଲଟିଯାଉଛନ୍ତି। ଏହା ଦେଖି ପରିବାରର ସମସ୍ତ ସଦସ୍ୟ ଡରିବା ସହ ଇଚ୍ଛାଧାରୀ ମାଙ୍କଡ଼ ଉଡ଼ିବା ଆରମ୍ଭ କରୁଛି। ଏଭଳି ଭିଡିଓ ଦେଖିବା ପରେ ଏବେ ଲୋକେ ନିର୍ମାତାଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି। ଏବେ ଧାରାବାହିକକୁ ନିର୍ମାତା ଚିଡ଼ିଆଘର କରିସାରିଥିବା ଲୋକେ କହିବା ଆରମ୍ଭ କରିଛନ୍ତି।

View this post on Instagram

A post shared by Tv Memes (@youtvupdates)

ଜଣେ ବ୍ୟବହାରକାରୀ ଲେଖିଛନ୍ତି, ସାପ, ଝିଟିପିଟି, ବିଛା ଓ କୁମ୍ଭୀର ଦେଖିବା ପରେ ଏବେ ଇଚ୍ଛାଧାରୀ ମାଙ୍କଡ଼। ଆଉ ବି କିଛି ବାକି ଅଛି କି? ଅନ୍ୟ ଜଣେ ଲେଖିଛନ୍ତି, ଏ କ’ଣ ଦେଖିଦେଲି। ଏବେ ଏସିଡରେ ମୋତେ ମୋ ଆଖି ଧୋଇବାକୁ ହେବ।