ଓଲିଉଡର ଦୁଇ ଲୋକପ୍ରିୟ ଯୋଡି ସତରେ କ’ଣ କମାଲ୍ କରିବେ !
ଭୁବନେଶ୍ୱର : ଆଜି ମୁକ୍ତିଲାଭ କରୁଛି ନୂଆ ଓଡ଼ିଆ ସିନେମା ‘ଟୋକାଟା ଫସିଗଲା’। ଏଥିରେ ସବ୍ୟସାଚୀ-ଏଲିନା ଏବଂ ପପୁ ପମପମ-ଲିପସାଙ୍କ ଭଳି ଦୁଇଟି ଲୋକପ୍ରିୟ ଯୋଡିଙ୍କୁ ପରଦାରେ ଦେଖିବାକୁ ମିଳିବ। ଏହାର ନିର୍ଦ୍ଦେଶକ ହେଲେ ରମେଶ ରାଉତ । ୨୦୦୦ ମସିହାରୁ ଏଯାବତ୍ ସିନେମା ଜଗତରେ ସକ୍ରିୟ ଥିବା ରମେଶ ରାଉତ ଇତିମଧ୍ୟରେ ତିନିଟି ଓଡ଼ିଆ ଛବି ଓ ଗୋଟିଏ ହିନ୍ଦୀ ସିନେମାର ନିର୍ଦ୍ଦେଶନା ଦେଇ ସାରିଲେଣି। ତାଙ୍କ ନିର୍ଦ୍ଦେଶିତ ଓଡ଼ିଆ ସିନେମା ଗୁଡ଼ିକ ହେଲା-‘ଚାନ୍ଦ ନା ତୁମେ ତାରା’,‘ଗଡ଼୍ ଫାଦର୍’ଏବଂ ‘କାବୁଲା ବାରବୁଲା-ସର୍ଚ୍ଚିଂ ଲୈଲା’। ଓଡ଼ିଆ ସିନେମା ‘ଟୋକାଟା ଫସିଗଲା’ର ପ୍ରଯୋଜକ ହେଲେ ସୀତାରାମ୍ ଅଗ୍ରଓ୍ଵାଲ୍ । ଏହା ତାଙ୍କର ୨୩ତମ ସିନେମା । ଏହି ସିନେମାର ସଂଳାପ ଲେଖିଛନ୍ତି ଡ଼ ନିର୍ମଳ ନାୟକ ଓ ଏଥିରେ ସଙ୍ଗୀତ ନିର୍ଦ୍ଦେଶନା ଦେଉଛନ୍ତି ବୈଦନାଥ ଦାସ।
Sambad is now on WhatsApp
Join and get latest news updates delivered to you via WhatsApp
ସବୁଠୁ ବଡ଼ କଥା ହେଲା ଏହି ଫିଲ୍ମରେ ନିର୍ଦ୍ଦେଶକ ରମେଶ ରାଉତ ପ୍ରଥମ ଥର ପାଇଁ ସବ୍ୟସାଚୀ-ଏଲିନା ଯୋଡ଼ିଙ୍କୁ ପରଦାକୁ ଆଣିଥିଲେ। କନ୍ତୁ ଏହି ଫିଲ୍ମ ରିଲିଜ୍ ହେବା ଆଗରୁ ଦର୍ଶକ ଅନ୍ୟ ଏକ ସିନେମା ଫୋର୍ ଇଡିଅଟସ୍ରେ ଦେଖିବାକୁ ପାଇଥିଲେ। ଦେଖାଯାଉ ଏହି ଦୁଇ ଲୋକପ୍ରିୟ ଯୋଡି କି କମାଲ୍ ଦେଖାଉଛନ୍ତି।