ରିଲିଜ୍ ପୂର୍ବରୁ ବିବାଦରେ ‘ବାଲା’ : ଫିଲ୍ମର ଦୃଶ୍ୟ ଓ ପରିକଳ୍ପନା ଚୋରାଇଥିବାର ଅଭିଯୋଗ ଆଣିଲେ ଫିଲ୍ମ ‘ଉଜଡା ଚମନ୍’ର ନିର୍ଦ୍ଦେଶକଙ୍କ ବାପା
ମୁମ୍ବାଇ : ମଣିଷର କେଶ ଝଡ଼ିବା ସମସ୍ୟାକୁ ନେଇ ତିଆରି ହୋଇଥିବା ଫିଲ୍ମ ବାଲା ରିଲିଜ୍ ପୂର୍ବରୁ ହିଁ ବିବାଦରେ ଛନ୍ଦି ହୋଇଛି । ରିଲିଜ୍ ପୂର୍ବରୁ ସମାନ କାହାଣୀକୁ ନେଇ ତିଆରି ହୋଇଥିବା ଫିଲ୍ମ ‘ଉଜଡା ଚମନ’ର ନିର୍ଦ୍ଦେଶକଙ୍କ ବାପା ଫିଲ୍ମ ‘ବାଲା’ ଉପରେ ଦୃଶ୍ୟ ଓ ଆଇଡିଆ ଚୋରାଇଥିବାର ଅଭିଯୋଗ ଆଣିଛନ୍ତି । ନିର୍ଦ୍ଦେଶକ ଅଭିଷେକ ପାଠକଙ୍କ ବାପା କୁମାର ମଙ୍ଗତ କହିଛନ୍ତି କି, ବାଲା ବିରୋଧରେ ଅଦାଲତକୁ ଯିବା ସହ ଏହାର ରିଲିଜ୍କୁ ବନ୍ଦ କରିବୁ ।
Sambad is now on WhatsApp
Join and get latest news updates delivered to you via WhatsApp
ନଭେମ୍ବର ୭ରେ ଫିଲ୍ମ ବାଲାର ରିଲିଜ୍ ତାରିଖ ରଖାଯାଇଥିବା ବେଳେ ନଭେମ୍ବର ୮ରେ ଫିଲ୍ମ ଉଜଡ଼ା ଚମନର ରିଲିଜ୍ ତାରିଖ ରଖାଯାଇଛି । ଦୁଇଟି ଫିଲ୍ମ ପାଖାପାଖି ସମାନ କାହାଣୀକୁ ନେଇ ତିଆରି ହୋଇଛି । ନିର୍ଦ୍ଦେଶକ ଅଭିଷେକ ପାଠକଙ୍କ ବାପା କୁମାର ମଙ୍ଗତ କହିଛନ୍ତି କି, ଉଜଡା ଚମନ କନ୍ନଡ ଫିଲ୍ମ ଓଣ୍ଡୁ ମୋଟ୍ଟେୟା କଠେର ରିମେକ୍ । ଏହାର ରିମେକ୍ କରିବାର ସମସ୍ତ ଅଧିକାର ଆମେ କିଣିଛୁ । କିନ୍ତୁ ବାଲାର ନିର୍ମାତା କପିରାଇଟ୍ ନିୟମର ଉଲ୍ଲଂଘନ କରିବା ସହ ଫିଲ୍ମର ଅନେକ ଦୃଶ୍ୟ ଓ ଆଇଡିଆ ଚୋରାଇଛନ୍ତି । ଯାହାକୁ ବିରୋଧ କରି ଆମେ ଅଦାଲତର ଦ୍ୱାରସ୍ଥ ହେବୁ ଓ ଏହାର ରିଲିଜ୍କୁ ବନ୍ଦ କରିବୁ ବୋଲି କହିଛନ୍ତି ।