ନୂଆଦିଲ୍ଲୀ: ଟେଲିଭିଜନ ଅଭିନେତ୍ରୀ ତଥା ଫ୍ୟାଶନ ଦୁନିଆର ଅନ୍ୟତମ ପ୍ରମୁଖ ନାମ ଉର୍ଫି ଜାଭେଦଙ୍କ ବିଷୟରେ ଚର୍ଚ୍ଚା ନହେବା ଏକ ଅସାଧାରଣ କଥା। କେଉଁ ନା କେଉଁ କାରଣକୁ ନେଇ ଚର୍ଚ୍ଚାର ପରିସର ଭିତରକୁ ଆସିବାର ସୁଯୋଗକୁ କେବେ ବି ହାତଛଡ଼ା କରନ୍ତି ନାହିଁ। ସେ କେତେବେଳେ ନିଜର ସାହସିକ ବିବୃତି ପାଇଁ ତ ପୁଣି କେତେ ବେଳେ ନିଜର ବୋଲ୍‌ଡ ପୋଷାକ ପାଇଁ ଚର୍ଚ୍ଚାରେ ରହିଥାନ୍ତି। ନିକଟ‌ରେ ଉର୍ଫି ମେକ୍‌ଅପ୍‌ ନେଇନଥିବା କାରଣରୁ ଗଣମାଧ୍ୟମ ପ୍ରତିନିଧିଙ୍କଠାରୁ ଲୁଚିକି ପଳାଉଥିବା ବେଳର ଏକ ଭିଡିଓ ଭାଇରାଲ୍‌ ହୋଇଛି।

Advertisment

ଅନେକ ଲୋକ ଉର୍ଫିଙ୍କ ସୌନ୍ଦର୍ଯ୍ୟକୁ ପ୍ରଶଂସା କରନ୍ତି। ନିକଟରେ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ବିନା ମେକଅପ୍ ଲୁକ୍‌ରେ ନଜର ଆସିଛନ୍ତି। ଏହି ଭିଡିଓ ଦେଖି ସୋସିଆଲ୍‌ ମିଡିଆ ବ୍ୟବହାରକାରୀମାନେ ଭିନ୍ନ ପ୍ରତିକ୍ରିୟା ଦେଉଥିବା ଦେଖାଯାଉଛି।

ଇନଷ୍ଟାଗ୍ରାମ ପେଜ୍‌ରେ ସେୟାର ହୋଇଥିବା ଭିଡିଓରେ ଉର୍ଫି ସବୁଜ ରଙ୍ଗର ଏକ ସୁନ୍ଦର ଜିମ୍ ପୋଷାକରେ ନଜର ଆସିଛନ୍ତି। ହେଲେ ସେ ତାଙ୍କ ମୁହଁରେ ମେକଅପ୍ କରିନାହାଁନ୍ତି। ଏହି କାରଣରୁ, ଯେତେବେଳେ ଗଣମାମଧ୍ୟମ ପ୍ରତିନିଧି ତାଙ୍କୁ ପୋଜ୍ ଦେବାକୁ କହିଥିଲେ, ସେତେବେଳେ ସେ ମୁହଁ ଲୁଚାଇଥିବାର ଦେଖାଯାଇଥିଲା। ଯଦିଓ ସେ ଫଟୋଗ୍ରାଫରମାନଙ୍କୁ ସୋମାନଙ୍କ ପାଇଁ କିଛି ସର୍‌ପ୍ରାଇଜ୍‌ ଥିବା ବିଷୟରେ କହୁଥିବାର ଦେଖାଯାଇଥିଲା।

ଏହି ଭିଡିଓ ସାମ୍ନାକୁ ଆସିବା ମାତ୍ରେ ଲୋକମାନେ ନିଜର ପ୍ରତିକ୍ରିୟା ଦେବା ଆରମ୍ଭ କରି ଦେଇଛନ୍ତି। ଜଣେ ଉପଭୋକ୍ତା ଲେଖିଛନ୍ତି, ‘ମେକଅପ୍ ବିନା ଭଲ ଦେଖାଯାଉଛନ୍ତି’। ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, ‘ଆପଣ ମେକଅପ୍ ବିନା ମଧ୍ୟ ସୁନ୍ଦର ଅଟନ୍ତି। କିନ୍ତୁ ଆପଣ ବିନା ମେକଅପରେ ନିଜେ ହିଁ ନିଜକୁ ପସନ୍ଦ କରନ୍ତି ନାହିଁ। ଆପଣଙ୍କ ଭିତରେ ଆତ୍ମବିଶ୍ୱାସର ଅଭାବ ରହିଛି। ହେଲେ ସତ କଥା ହେଉଛି ଆପଣ ମେକଅପ୍ ବିନା ମଧ୍ୟ ସୁନ୍ଦର’।