ଭାଲେଣ୍ଟାଇନ୍ ଡେ’ରେ ନିଜ ସାଥୀଙ୍କ ସହ ବସି ଦେଖନ୍ତୁ ଏହି ସବୁ ବଲିଉଡ୍ ଫିଲ୍ମ, ଖାସ୍ ବନାନ୍ତୁ ଦିନ
ଭାଲେଣ୍ଟାଇନ୍ ଡେ’ରେ ପ୍ରେମୀଯୁଗଳମାନେ ଦିନଟିକୁ ଖାସ୍ କରିବା ପାଇଁ ନାନା ପ୍ରକାରର ଆୟୋଜନ କରିଥାନ୍ତି । କେହି କେହି ଏକାନ୍ତରେ ସମୟ ବିତାଇଥାନ୍ତି ତ କେହି କେହି ବାହାରକୁ ବୁଲି ଯାଇଥାନ୍ତି । ସମସ୍ତଙ୍କର ଏହି ଦିନଟିକୁ ପାଳନ କରିବାର ତରିକା ଭିନ୍ନ ହୋଇଥାଏ । ଯଦି ଆପଣମାନେ ଏ ପର୍ଯ୍ୟନ୍ତ ସେଭଳି କିଛି ଯୋଜନା କରି ନାହାନ୍ତି,ତେବେ ବଲିଉଡ୍ର ଏହି ସବୁ ପୁରୁଣା ଫିଲ୍ମ ଦେଖି ଦିନଟିକୁ ପାଳନ କରନ୍ତୁ । ଆରାମରେ ଏକାନ୍ତରେ ଆପଣ ନିଜ ସାଥୀ ସହ ବସି ଏ ସବୁ ଫିଲ୍ମ ଦେଖି ପାରିବେ । ଆସନ୍ତୁ ନଜର ପକାଇବା ସେ ସବୁ ଫିଲ୍ମ ଉପରେ…..
Sambad is now on WhatsApp
Join and get latest news updates delivered to you via WhatsApp
୧. ୧୯୭୩ରେ ରିଲିଜ୍ ହୋଇଥିବା ଫିଲ୍ମ ‘ବବି’ ଆପଣଙ୍କର ମନେ ଥିବ ନିଶ୍ଚୟ । ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିଥିଲେ ଅଭିନେତ୍ରୀ ଡିମ୍ପଲ କପାଡିଆ ଏବଂ ଅଭିନେତା ଋଷି କପୁର । ଏହି ଫିଲ୍ମର ନିର୍ଦ୍ଦେଶନା ଋଷି କପୁରଙ୍କ ବାପା ରାଜ କପୁର ଦେଇଥିଲେ ।
୨. ‘୧୯୪୨ ଏ ଲଭ୍ ଷ୍ଟୋରି’ ଫିଲ୍ମର ‘କୁଛ୍ ନା କହୋ’ ଗୀତ ଆଜି ବି ଯୁବପିଢ଼ିଙ୍କ ଭିତରେ ଖୁବ୍ ଲୋକପ୍ରିୟ । ଏହି ଗୀତ ଶୁଣିବା ପରେ ହିଁ ମନରେ ଭଲ ପାଇବା ଆସି ଯାଇଥାଏ । ଏହି ଫିଲ୍ମରେ ଅନୀଲ କପୁର ଏବଂ ମନୀଷା କୋଇରାଲା ସାଥୀରେ କାମ କରିଥିଲେ । ଏହି ଫିଲ୍ମର ନିର୍ଦ୍ଦେଶନା ଦେଇଥିଲେ ବିଧୁ ବିନୋଦ ଚୋପ୍ରା ।
୩.ଯେତେବେଳେ ରୋମାଣ୍ଟିକ୍ ଫିଲ୍ମର କଥା ପଡ଼େ ସେତେବେଳେ ପ୍ରଥମେ ଫିଲ୍ମ ‘ହିରୋ’ର ନାଁ ସାମ୍ନାକୁ ଆସିଥାଏ । ଫିଲ୍ମରେ ଥିବା ଗୀତ ‘ଲମ୍ବି ଜୁଦାଇ’ ଆଜି ଶ୍ରୋତାମାନଙ୍କ ମନରେ ଘର କରି ରହିଛି । ଏହି ଫିଲ୍ମ ଅଭିନେତା ଜ୍ୟାକି ଶ୍ରଫ୍ ଏବଂ ଅଭିନେତ୍ରୀ ମିନାକ୍ଷୀ ଶେଷାଦ୍ରୀ ସାଥୀରେ ନଜର ଆସିଥିଲେ ।
୪.ଫିଲ୍ମ ‘ଆଶିକି’ ରିଲିଜ୍ ହେବା ପରେ ଚାରି ଆଡ଼େ ପ୍ରେମର ବାତାବରଣ ସୃଷ୍ଟି ହୋଇଥିଲା । ଫିଲ୍ମକୁ ଦର୍ଶକଙ୍କ ଭଲ ପାଇବା ମିଳିଥିବା ବେଳେ ଆଜି ବି ତାହା ଦର୍ଶକଙ୍କ ମନରେ ଘର କରି ରହିଛି । ଫିଲ୍ମର ନିର୍ଦ୍ଦେଶନା ମହେଶ ଭଟ୍ଟ ଦେଇଥିବା ବେଳେ ଏଥିରେ ଅଭିନେତା ରାହୁଲ ରଏ ଏବଂ ଅଭିନେତ୍ରୀ ଅନୁ ଅଗ୍ରଓ୍ଵାଲ ସାଥୀରେ ନଜର ଆସିଥିଲେ ।
୫.ଯଦି ଆପଣଙ୍କ ଭଲ ପାଇବାରେ କିଏ କଣ୍ଟା ସାଜିଛି,ତେବେ ନିର୍ଦ୍ଦେଶକ ଇନ୍ଦ୍ର କୁମାରଙ୍କ ଫିଲ୍ମ ‘ଇସ୍କ’ ନିଶ୍ଚୟ ଦେଖନ୍ତୁ । ଏହି ଫିଲ୍ମରେ ଅଭିନେତା ଅଜୟ ଦେବ୍ଗନ,ଆମୀର ଖାନ୍,ଅଭିନେତ୍ରୀ କାଜୋଲ ଏବଂ ଜୁହି ଚାଓ୍ଵଲା ସାଥୀରେ କାମ କରିଥିଲେ ।