ଡ଼ିସେମ୍ବରରେ ବିବାହ କରିବା ଖବରକୁ ନେଇ ଏବେ ଏଭଳି ପ୍ରତିକ୍ରିୟା ରଖିଲେ ବରୁଣ
ମୁମ୍ବାଇ : କିଛି ମସେ ତଳେ ବଲିଉଡ୍ ଅଭିନେତା ବରୁଣ ଧଓ୍ଵନ ଏବଂ ତାଙ୍କ ପ୍ରେମିକା ନତାଶା ଦଲାଲ ଡିସେମ୍ବର ୨୦୧୯ରେ ବିବାହ କରିବାକୁ ଯାଉଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା । ଦୁହେଁ ଗୋଆରେ ଡେଷ୍ଟିନେସନ େଓ୍ଵଡିଂ କରିବେ ବୋଲି ଖବର ମିଳିଥିବା ବେଳେ ଏ ନେଇ ଦୁହିଁଙ୍କ ପରିବାର ଲୋକେ ପ୍ରସ୍ତୁତି ଆରମ୍ଭ କରି ଦେଇଥିବା ନେଇ ଚର୍ଚ୍ଚା ଜୋର ଧରିଥିଲା । କିନ୍ତୁ ଏବେ ବରୁଣଙ୍କ ବୟାନ ସେ ସବୁ ଚର୍ଚ୍ଚା ଉପରେ ପାଣି ପକାଇ ଦେଇଛି । ଡିସେମ୍ବରରେ ବିବାହ କରିବା ଖବର ଉପରେ ତାଙ୍କର ପ୍ରତିକ୍ରିୟା ମଗାଯିବା ପରେ, ଏହି ଖବର କେବଳ ଏକ ଗୁଜବ । ଏଥିରେ କୌଣସି ସତ୍ୟତା ନାହିଁ । ମୁଁ ମନା କରି କରି ଥକି ଗଲାଣି । ଯେତେବେଳେ ବିବାହ କରିବି, ନିଶ୍ଚୟ ସମସ୍ତଙ୍କୁ ଜଣାଇବି ବୋଲି କହିଥିଲେ ବରୁଣ ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ବରୁଣଙ୍କ ବାପା ଡେଭିଡ୍ ଧଓ୍ଵନଙ୍କୁ ତାଙ୍କ ପ୍ରତିକ୍ରିୟା ମଗାଯିବା ପରେ, ମୁଁ ଜାଣିଛି ସମସ୍ତେ ବରୁଣଙ୍କ ବିବାହକୁ ନେଇ ଉତ୍ସାହିତ ଅଛନ୍ତି । ମୁଁ ବି ଅଛି । ବରୁଣ ବିବାହ କଲେ ଆମ ପରିବାର ସବୁଠାରୁ ଅଧିକ ଖୁସି ହେବ । ବିବାହ ବହୁତ ଧୁମ୍ ଧାମ୍ରେ ହେବ । ଆମେ ଅଧିକାରୀକ ଭାବେ ବିବାହର ତାରିଖ ଘୋଷଣା କରିବୁ । ଏ ନେଇ ପୂର୍ବରୁ କୌଣସି ପ୍ରକାରର ଆଲୋଚନା କରିବା ଠିକ୍ ନୁହେଁ ବୋଲି କହିଥିଲେ ଡେଭିଡ୍ ଧଓ୍ଵନ ।