କ୍ୟାଟ୍‌ଙ୍କ ମାଆ ଓ ଭାଇଭଉଣୀଙ୍କୁ କିପରି ‘ଇମ୍ପ୍ରେସ୍‌’ କରାଇଥିଲେ ଭିକି?

ମୁମ୍ବାଇ: ଅଭିନେତ୍ରୀ କ୍ୟାଟ୍ରିନା କୈଫ୍‌ ଓ ଅଭିନେତା ଭିକି କୌଶଲଙ୍କ ଯୋଡ଼ିକୁ ଅଧିକାଂଶ ଲୋକ ବେଶ୍‌ ପସନ୍ଦ କରନ୍ତି। ପରଦାରେ ଏହି ଦୁଇ କଳାକାରଙ୍କୁ ଲୋକେ ଖୁବ୍ ଭଲପାଇବା ଦେଇଛନ୍ତି। ବାସ୍ତବ ଜୀବନରେ ଦୁହେଁ ପତି-ପତ୍ନୀ ସାଜିବା ପରେ ସେମାନଙ୍କ ପ୍ରଶଂସକ ଆହୁରି ବି ବଢ଼ିଯାଇଛନ୍ତି।

ପତ୍ନୀ କ୍ୟାଟ୍‌ଙ୍କ ସହ ଭିକିଙ୍କ ସଂପର୍କ ବିଷୟରେ ତ ସମସ୍ତେ ଜାଣନ୍ତି, ହେଲେ ଆପଣ ହୁଏତ ଜାଣିନଥିବେ ଯେ ଭିକି ତାଙ୍କ ଶଶ‌ୁରଘର ଲୋକଙ୍କ ସହ ବି ଏକ ସ୍ବତନ୍ତ୍ର ସଂପର୍କ ରଖିଛନ୍ତି। ତେବେ କ୍ୟାଟ୍ରିନ‌ାଙ୍କ ହାତ ପାଇବା ପାଇଁ ସେ କ୍ୟାଟ୍‌ଙ୍କ ମାଆ ଓ ଭାଇଭଉଣୀଙ୍କୁ କିପରି ରାଜି କରାଇଥିଲେ ସେ ସଂପର୍କ‌ରେ ଭିକି ଏବେ ଖୁଲାସା କରିଛନ୍ତି।

‘କଫି ଉଇଥ୍‌ କରଣ’ର ଏକ ଏପିସୋଡ୍‌ରେ କିଆରା ଆଡ୍‌ଭାନିଙ୍କ ସହ ଭିକି ଯିବା ପରେ ତାଙ୍କୁ ତାଙ୍କ ଶଶୁରଘର ଲୋକଙ୍କୁ କିପରି ରାଜ କରିବାକୁ ପଡ଼ିଥିଲା ବୋଲି ଏକ ପ୍ରଶ୍ନ ପଚରା ଯାଇଥିଲା। ଯାହାର ଉତ୍ତରରେ ଭିକି କହିଛନ୍ତି, ‘‘କ୍ୟାଟ୍ରିନାଙ୍କ ସଂହ ସଂପର୍କରେ ଥିବା ସତ୍ତ୍ବେ ବି ମୁଁ ବର୍ଷେ ପର୍ଯ୍ୟନ୍ତ ନିଜ ଶଶୁରଘର‌ ଲୋକଙ୍କୁ ଭେଟି ପାରିନଥିଲି। କାରଣ ସେ ସମୟରେ କୋଭିଡ୍‌ ଚାଲିଥାଏ।’’

ଭିକି ଆହୁରି ବି କହିଛନ୍ତି, ‘‘ମୁଁ ବିବାହର ୧ ସପ୍ତାହ ପୂର୍ବରୁ ହିଁ ସେମାନଙ୍କୁ ଭେଟିଲି। ମୋ ଘରେ ଏକ ପାର୍ଟି ଥିଲା। ଆମେ ସମସ୍ତେ ପିଇଥିଲୁ ଓ ନାଚୁଥିଲୁ। ପରସ୍ପରଙ୍କୁ ଭେଟିବ‌ାର ୨ ଘଣ୍ଟା ପରେ ଆମେ ଚଟାଣରେ ନାଚିବାକୁ ଲାଗିଲୁ।’’ ଭିକି ଓ କ୍ୟାଟ୍ରିନା ୨୦୨୧ ମସିହାରେ ବିବାହ କରିଥିଲେ। ଦୁହିଁଙ୍କ ବିବାହରେ କେବଳ ପରିବାର ଓ ସଂପର୍କୀୟମାନେ ଉପସ୍ଥିତ ଥିଲେ।