ଚପଲ ପିନ୍ଧାକୁ ନେଇ ମୁହଁ ଖୋଲିଲେ ସାଉଥ୍ ସୁପରଷ୍ଟାର୍ ବିଜୟ ଦେବରାକୋଣ୍ଡା
ମୁମ୍ବାଇ: ସାଉଥ୍ ସୁପରଷ୍ଟାର୍ ବିଜୟ ଦେବରାକୋଣ୍ଡା ତାଙ୍କର ଆଗାମୀ ଫିଲ୍ମକୁ ନେଇ ବ୍ୟସ୍ତ ଥିବା ଜଣାପଡ଼ିଛି । ସେ ତାଙ୍କର ଆଗାମୀ ଫିଲ୍ମ ‘ଲିଗର୍’କୁ ପ୍ରମୋଟ୍ କରିବାରେ ଲାଗିପଡ଼ିଛନ୍ତି । ‘ଲିଗର୍’ରେ ବିଜୟ ଦେବରାକୋଣ୍ଡାଙ୍କ ସହ ଅନନ୍ୟା ପାଣ୍ଡେ ମୁଖ୍ୟ ଭୂମିକାରେ ନଜର ଆସିବେ।
Sambad is now on WhatsApp
Join and get latest news updates delivered to you via WhatsApp
ଫିଲ୍ମର ପ୍ରମୋସନ ପାଇଁ ଉଭୟ ଦେଶର ବିଭିନ୍ନ ସ୍ଥାନକୁ ଯାଉଛନ୍ତି, ଯାହାକୁ ନେଇ ବିଜୟ ଦେବରାକୋଣ୍ଡାଙ୍କ ପ୍ରଶଂସକଙ୍କ ସଂଖ୍ୟା ବଢୁଥିବା ଦେଖିବାକୁ ମିଳୁଛି । ‘ଲିଗର୍’ର ପ୍ରମୋସନ ସମୟରେ ବିଜୟଙ୍କ ସରଳତା ଲୋକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ନେଇଛି । ଏହି ସମୟରେ ବିଜୟ ତାଙ୍କ ନୂଆଲୁକରେ ଆସୁଛନ୍ତି। ପାଦରେ ସାଧାରଣ ସ୍ଲିପର ଚପଲ ପିନ୍ଧିବାକୁ ନେଇ ଚର୍ଚ୍ଚାରେ ଅଛନ୍ତି ସେ । ଫିଲ୍ମ ‘ଲିଗର’ର ପ୍ରମୋସନାଲ ଇଭେଣ୍ଟରେ ବିଜୟଙ୍କ ଚପଲ ପିନ୍ଧା ଲୁକ୍ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ବିଜୟ ଏତେ ବଡ ସୁପରଷ୍ଟାର୍ ହୋଇଥିଲେ ବି ସେ କାହିଁକି ଷ୍ଟାଇଲିସ୍ ଡ୍ରେସ୍ ସହିତ ଚପଲ ପିନ୍ଧୁଛନ୍ତି ତାହା ଚର୍ଚ୍ଚା ହେଉଛି। ବର୍ତ୍ତମାନ ବିଜୟ ଏହି ପ୍ରଶ୍ନର ଉତ୍ତର ଦେଇଛନ୍ତି ।
ବାସ୍ତବରେ ବିଜୟ ଦେବରାକୋଣ୍ଡା ଗଣମାଧ୍ୟମ ସହ ଏକ ସାକ୍ଷାତକାରରେ ତାଙ୍କ ଚପଲ ପିନ୍ଧିବା ବିଷୟରେ କହିଥିଲେ । ସେ କହିଥିଲେ ମୋତେ ଫିଲ୍ମକୁ ୩୦ ଦିନ ପାଇଁ ପ୍ରମୋଟ୍ କରିବାକୁ ପଡିବ। ମୁଁ ସେଥିପାଇଁ ମୁଁ ଏପରି ଏକ ଭଲ ଚପଲ କିଣିଲି ଯାହା ମୋ ଜୀବନକୁ ସହଜ କରିବାରେ ସାହାଯ୍ୟ କରେ । ମୁଁ ତାହା କରେ ଯାହା ମତେ ଭଲଲାଗେ । ତେବେ ବିଜୟ ଦେବରାକୋଣ୍ଡା ଏବଂ ଅନନ୍ୟା ପାଣ୍ଡେଙ୍କ ଫିଲ୍ମ ‘ଲିଗର୍’ ୨୫ ଅଗଷ୍ଟରେ ମୁକ୍ତିଲାଭ କରିବାକୁ ଯାଉଛି ।