ଦେଖେଇ ହେବା ପାଇଁ ଲୋକେ ବାହା ହେଉଥିବା କହିଲେ ବିବେକ, ପରୀ-ରାଘବଙ୍କୁ ଟାର୍ଗେଟ କରିଥିବା ନେଇ ହେଲା ଚର୍ଚ୍ଚା

ମୁମ୍ବାଇ: ଏବେ ବିବାହ କରୁଥିବା ଦମ୍ପତ୍ତିଙ୍କୁ ଟାର୍ଗେଟ କଲେ 'ଦି କଶ୍ମୀର ଫାଇଲ୍ସ' ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ। ଦେଖେଇ ହେବା ପାଇଁ ଲୋକେ ବାହା ହେଉଥିବା କହିଲେ ବିବେକ। ଟ୍ବିଟ କରି ସେ ଏଭଳି କହିଥିବା ଦେଖାଯାଇଛି। ଜଣେ ୱେଡିଂ ପ୍ଲାନର ତାଙ୍କୁ ଏଭଳି କହିିଥିବା ବିଷୟରେ ସେ ଲେଖିଛନ୍ତି।

ସେ ଟ୍ବିଟ କରିଛନ୍ତି ଯେ, “ଭଲ ଫଟୋ ଉଠାଇବା, ଭଲ ଭିଡିଓ ରେକର୍ଡ କରିବା ଏବଂ ‘ଡେଷ୍ଟିନେସନ ୱେଡିଂ’ର ଟ୍ୟାଗ୍ ପାଇବା ପାଇଁ ଲୋକମାନେ ବିବାହ କରୁଛନ୍ତି। ଜଣେ ୱେଡିଂ ପ୍ଲାନର ମୋତେ ଏହା କହିଥିଲେ। ଏହା ସତ୍ୟ ଅଟେ। ମୁଁ ଏକ ‘ଡେଷ୍ଟିନେସନ ୱେଡିଂ’କୁ ଯାଇଥିଲି। ସେଠାରେ ଫଟୋଗ୍ରାଫରର ଆସିବା ବିଳମ୍ବ ହେବ ଜାଣିବା ପରେ କନ୍ୟା ଅଚେତ ହୋଇପଡ଼ିଥିଲେ।"

“People are getting married just to get wedding photos, videos and to get ‘destination wedding’ tag for show off”.
- a wedding planner told me.

It’s true I was in a destination wedding and someone said that the wedding photographer is going to be late and the bride fainted.

— Vivek Ranjan Agnihotri (@vivekagnihotri) May 13, 2023

ବିବେକଙ୍କ ଏହି ଟ୍ବିଟ ଏବେ ଭାଇରାଲ ହେଉଥିବା ବେଳେ ଏଭଳି ଟ୍ବିଟ କରି ସେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଓ ରାଘବ ଚଢ଼ାଙ୍କୁ ଟାର୍ଗେଟ କରିଥିବା ଚର୍ଚ୍ଚା ହେଉଛି। ବିବେକ ଏବେକାର ବିବାହକୁ ନେଇ ଯେଉଁ ମନ୍ତବ୍ୟ ଦେଇଛନ୍ତି ସେଥିରେ ଟ୍ବିଟର ବ୍ୟବହାରକାରୀ ସହମତି ପ୍ରକାଶ କରିଥିବା ଦେଖାଯାଇଛି।