ହ୍ରିତିକ୍-ଚିରଞ୍ଜିବୀଙ୍କ ମଧ୍ୟରେ ଜୋରଦାର ଟକ୍କର

ମୁମ୍ବାଇ: ବଲିଉଡ୍ ଇଣ୍ଡଷ୍ଟ୍ରିରେ ମୁକ୍ତିଲାଭ କଲା, ଆକ୍ସନ୍ - ଥ୍ରୀଲର୍ ଫିଲ୍ମ ‘ୱାର୍’ । ଫିଲ୍ମରେ ୨ଜଣ ଆକ୍ସନ୍ ଷ୍ଟାରଙ୍କ ଧମାଲ୍ ଦେଖିବାକୁ ମିଳିଛି । ସାମ୍ନା-ସାମ୍ନି ହୋଇଛନ୍ତି ଅଭିନେତା ହ୍ରିତିକ୍ ରୋଶନ୍ ଏବଂ ଟାଇଗର୍ ଶ୍ରଫ୍ । ୟଶରାଜ ଫିଲ୍ମସ୍ ଦ୍ୱାରା ପ୍ରସ୍ତୁତ ହୋଇଥିବା ଆକ୍ସନ୍-ଥ୍ରୀଲର୍ ଫିଲ୍ମ ‘ୱାର୍’ରେ ଦେଖିବାକୁ ମିଳିଛି ଏହି ଦୁଇ ଜଣ ସୁପରଷ୍ଟାରଙ୍କ ଧୁମ୍ - ଧମାଲ୍ ଆକ୍ସନ୍ । ସେପଟେ ଏହି ଫିଲ୍ମକୁ ଟକ୍କର୍ ଦେବା ପାଇଁ ପରଦାକୁ ଆସିଛି ସାଉଥ୍ ସୁପରଷ୍ଟାର ଚିରଞ୍ଜିବୀଙ୍କ ଫିଲ୍ମ ‘ସୈରା ନରସିଂହ୍ମା ରେଡ୍ଡି’ । ଫିଲ୍ମ ‘ୱାର୍’ରେ ମୁଖ୍ୟ ଭୂମିକାରେ ହ୍ରିତିକ୍ ରୋଶନ୍, ଟାଇଗର୍ ଶ୍ରଫ୍ ଓ ବାନି କପୁରଙ୍କୁ ଦେଖିବାକୁ ମିଳିଛି । ଫିଲ୍ମରେ ହ୍ରିତିକ୍ ରୋଶନଙ୍କୁ ସ୍ପେଶାଲ୍ ଫୋର୍ସର କମାଣ୍ଡୋ ‘କବିର୍’ ଭାବେ ଦେଖିବାକୁ ମିଳିଛି । ଆଉ ତାଙ୍କୁ ମାରିବା ପାଇଁ ସ୍ପେଶାଲ୍ ଫୋର୍ସର ଅନ୍ୟ ଜଣେ ଦକ୍ଷ କମାଣ୍ଡୋ ଖାଲିଦ୍ କୁ ନିୟୋଜିତ କରାଯାଏ ।

ସିନେମାରେ କବିର୍ ଚରିତ୍ରରେ ହ୍ରିତିକ୍ ଓ ଖାଲିଦ୍ ଚରିତ୍ରରେ ଅଭିନେତା ଟାଇଗର୍ ଶ୍ରଫଙ୍କୁ ଦେଖିବାକୁ ମିଳିଛି । ପରଦାରେ ପରସ୍ପରର ଶତ୍ରୁ ଭାବେ ନଜର ଆସିଛନ୍ତି ହ୍ରିତିକ୍ - ଟାଇଗର୍ । ୟଶରାଜ ଫିଲ୍ମସ୍ ଦ୍ୱାରା ପ୍ରସ୍ତୁତ ହୋଇଥିବା ଏହି ସିନେମାର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ । ଫିଲ୍ମରେ ସଙ୍ଗୀତର ଭାର ତୁଲାଇଛନ୍ତି ବିଶାଲ୍ -ଶେଖର୍ । ସେହିପରି ଏହି ସିନେମାକୁ ଟକ୍କର୍ ଦେବାପାଇଁ ପରଦାକୁ ଆସିଛି ଆକ୍ସନ୍ ଫିଲ୍ମ ‘ସାଇରା ନରସିଂହ୍ମା ରେଡ୍ଡି’ । ହାଇ ଭୋଲ୍ଟେଜ୍ ଆକ୍ସନ୍, ଭର୍ସାଟାଇଲ୍ କଳାକାର ଆଉ ଏକ ସତ କାହାଣୀକୁ ନେଇ ସାଉଥ୍ ଇଣ୍ଡଷ୍ଟ୍ରୀରେ ପ୍ରସ୍ତୁତ ହୋଇଥିବା ଏହି ଫିଲ୍ମ ପରଦାକୁ ଆସିଛି ।

୧୮୦୦ ମସିହାର ଏହି ବୀର ଯୋଦ୍ଧାଙ୍କ ଚରିତ୍ରରେ ସାଉଥ୍ ସୁପରଷ୍ଟାର ଚିରଞ୍ଜିବୀଙ୍କୁ ଦେଖିବାକୁ ମିଳିଛି । ସେହିପରି ବଲିଉଡ୍ ମେଗା ଷ୍ଟାର୍ ଅମିତାଭ୍ ବଚ୍ଚନ ମଧ୍ୟ ଏକ ପ୍ରମୁଖ ଚରିତ୍ର ତୁଲାଇଛନ୍ତି ଏହି ସିନେମାରେ । ଫିଲ୍ମରେ ଅନ୍ୟ ପ୍ରମୁଖ ଭୂମିକାରେ କିଚ୍ଚା ସୁଦୀପ୍, ବିଜୟ ସେଥୁପତି, ଜଗପଥି ବାବୁ, ରବି କିଶନ୍, ନୟନତାରା, ତମନ୍ନା, ନିହାରିକା ଆଦି କଳାକାରଙ୍କୁ ଦେଖିବାକୁ ମିଳିଛି । ସୁରେନ୍ଦ୍ର ରେଡ୍ଡିଙ୍କ ନିର୍ଦ୍ଦେଶନାରେ ପ୍ରସ୍ତୁତ ହୋଇଥିବା ଏହି ସିନେମାଟି ହିନ୍ଦୀ, ତେଲୁଗୁ, ତାମିଲ୍ ଭାଷାରେ ମୁକ୍ତିଲାଭ କରିଛି ।