ମୁମ୍ବାଇ: ବଲିଉଡ ଅଭିନେତା ଶାହରୁଖ ଖାନ ଏବେ ବେଶ ଚର୍ଚ୍ଚାରେ ରହିଛନ୍ତି । ପ୍ରଥମ ଥର ସେ ନିଜ ଫିଲ୍ମ ପାଇଁ ନୁହେଁ ବରଂ ତାଙ୍କ ପୁଅ କରିଥିବା ଭୁଲ ପାଇଁ ଚର୍ଚ୍ଚାରେ ରହିଛନ୍ତି | ମୁମ୍ବାଇ କ୍ରୁଜରେ ଚାଲିଥିବା ଡ୍ରଗ୍ସ ପାର୍ଟିରୁ ଶାହରୁଖଙ୍କ ପୁଅ ଆରୟନ ଖାନଙ୍କୁ ଗିରଫ କରିଥିଲା ଏନସିବି | ଡ୍ରଗ୍ସ କାରବାରରେ ତାଙ୍କର ସମ୍ପୃକ୍ତି ନେଇ ପ୍ରମାଣ ମିଳିବା ପରେ ଏବେ ତାଙ୍କୁ ଆର୍ଥର ରୋଡ ଜେଲରେ ରଖାଯାଇଛି। ତେବେ ଏହାରି ମଧ୍ୟରେ କିଛି ବର୍ଷ ତଳେ ‘କଫି ଉଇଥ କରନ’ରେ ଶାହାରୁଖ ଖାନ କହିଥିବା କଥା ଏବେ ଭାଇରାଲ ହେଉଛି । ଏଥିରେ ସେ କହୁଛନ୍ତି ଯେ, ମୋରୋ ସବୁଠୁ ବଡ ଡର ହେଲା ଯେମିତି ମୋ ଲୋକପ୍ରିୟତା ଦିନେ ମୋ ପିଲାଙ୍କ କ୍ୟାରିୟର ଖରାପ ନ କରିଦେଉ ।
Sambad is now on WhatsApp
Join and get latest news updates delivered to you via WhatsApp
View this post on Instagram
ତେବେ ବର୍ତ୍ତମାନ ଶାହରୁଖ ଖାନଙ୍କ ସେହି ଆଶଙ୍କା ସତ ହୋଇଛି ବୋଲି ଚର୍ଚ୍ଚା ହେଉଛି । ଭାଇରାଲ ଭିଡିଓରେ ସେ କହୁଛନ୍ତି, ମୋର ସବୁଠାରୁ ବଡ ଭୟ ହେଉଛି ମୋ ପିଲାଙ୍କ ଉପରେ ମୋର ଖ୍ୟାତିର ଯେମିତି ଖରାପ ପ୍ରଭାବ ନପଡୁ | ମୋର ନାଁ ଏବଂ ଲୋକପ୍ରିୟତା ସେମାନଙ୍କ ଜୀବନକୁ ନଷ୍ଟ କରିପାରେ ଏବଂ ମୁଁ ଏହା ଚାହେଁ ନାହିଁ | ମୋ ପରିବାର ଓ ମୋ ପିଲାଙ୍କ ପାଇଁ ଏହି ଡର ମୋ ଭିତରେ ରହିଛି । ମୁଁ ଚାହୁିଁନି ତାଙ୍କ ମନରେ ଏହି ଧାରଣା ରହୁକି ମୁଁ ଶାହରୁଖ ଖାନର ପୁଅ ବା ଝିଅ, ସେଥିପାଇଁ ମତେ ସହଜରେ ସବୁ ଜିନିଷ ମିଳିଯିବ ।