ନୂଆଦିଲ୍ଲୀ: କୁହାଯାଏ ଯେ ଯଦି କିଛି କରିବାର ଦୃଢ଼ ଇଚ୍ଛାଶକ୍ତି ଥାଏ, ତେବେ ଜଣେ ବ୍ୟକ୍ତି ନିଜ ଲକ୍ଷ୍ୟ ସ୍ଥଳରେ ନିଶ୍ଚିତ ପହଞ୍ଚେ। ଅଭିନେତ୍ରୀ ଶିଳ୍ପୀ ରାଘବନୀ ଏହାକୁ ପ୍ରମାଣ କରି ଦେଖାଇଛନ୍ତି। ଅଳ୍ପ ସମୟ ମଧ୍ୟରେ ଶିଳ୍ପୀ ରାଘବନୀ ଏକ ବଡ ନାଁ ପାଲଟିଛନ୍ତି। କିଛି ଦିନ ତଳେ ଶିଳ୍ପୀ, ଟିକ୍ ଟକ୍ ଭିଡିଓ ତିଆରି କରୁଥିଲେ। ହେଲେ ଆଜି ସେ ଭୋଜପୁରୀ ସିନେମାର ବଡ ତାରକାଙ୍କ ସହ କାମ କରୁଥିବାର ନଜର ଆସୁଛନ୍ତି।

Advertisment

ଶିଳ୍ପୀ ରାଘବନୀ ବିହାରର ଏକ ଛୋଟ ଗାଁ ଗୋପାଳଗଞ୍ଜର ବାସିନ୍ଦା। ଭୋଜପୁରୀ ସିନେମାକୁ ଆସିବା ପୂର୍ବରୁ ଶିଳ୍ପୀ, ଟିକ୍ ଟକ୍ ଭିଡିଓ ତିଆରି କରୁଥିଲେ। ଲୋକମାନେ ଶିଳ୍ପୀଙ୍କ ଟିକ୍ ଟକ୍ ଭିଡିଓକୁ ବହୁତ ପସନ୍ଦ କରିବାରୁ ସେ ଅଧିକ ଭିଡିଓ ତିଆରି କରିବା ଆରମ୍ଭ କରିଥିଲେ। ଟିକ୍ ଟକ୍ ବନ୍ଦ ହେବା ପରେ ଶିଳ୍ପୀ ଇନଷ୍ଟାରେ ରିଲ୍ସ ତିଆରି କରିବା ଆରମ୍ଭ କରିଥିଲେ। ଦିନକୁ ଦିନ ଫଲୋୱର୍ସ ସଂଖ୍ୟା ବଢ଼ିବା ପରେ ତାଙ୍କୁ ଭୋଜପୁରୀ ମ୍ୟୁଜିକ ଭିଡିଓରେ କାମ କରିବାର ସୁଯୋଗ ମିଳିଥିଲା।

ଶିଳ୍ପୀ ରାଘବନୀ ଭୋଜପୁରୀ ସୁପରଷ୍ଟାର ଖେସାରୀ ଲାଲ ଯାଦବଙ୍କଠାରୁ ପବନ ସିଂ ପର୍ଯ୍ୟନ୍ତ ଅନେକ ବଡ ତାରକାଙ୍କ ସହ ମ୍ୟୁଜିକ୍ ଭିଡିଓରେ ନଜର ଆସିଛନ୍ତି। ଅଳ୍ପ ବୟସରେ ଶିଳ୍ପୀ ଭୋଜପୁରୀ ମ୍ୟୁଜିକ ଭିଡିଓରେ ଏକ ବଡ ନାଁ ପାଲଟିଛନ୍ତି। ଶିଳ୍ପୀଙ୍କ ବର୍ତ୍ତମାନ ପର୍ଯ୍ୟନ୍ତ ରିଲିଜ୍ ହୋଇଥିବା ସମସ୍ତ ମ୍ୟୁଜିକ୍ ଭିଡିଓ ହିଟ୍ ହୋଇଛି। ଆଗକୁ ସେ ଫିଲ୍ମରେ ନଜର ଆସିବେ ବୋଲି ଚର୍ଚ୍ଚା ହେଉଛି।