କେବିସିର ଉପସ୍ଥାପକ ହେବା ପଛର କାରଣ ଜଣାଇ ଭାବବିହ୍ୱଳ ହୋଇପଡ଼ିଲେ ବିଗ ବି
ମୁମ୍ବାଇ: ଟେଲିଭିଜନର ପ୍ରସିଦ୍ଧ କୁଇଜ୍ ରିଆଲିଟି ସୋ’ କୌନ ବନେଗା କାରୋଡ଼ପତି ୧୦୦୦ ଅଧ୍ୟାୟ ଶେଷ କରିଛି | ଏହି ଅବସରରେ ସୋ’ର ୧୦୦୦ ଅଧ୍ୟାୟର ମୁହୂର୍ତ୍ତ ସବୁ ଦେଖିବାକୁ ମିଳିଥିଲା | କିଭଳି ଭାବେ ସୋ’ ଆରମ୍ଭ ହୋଇଥିଲା ଏବଂ ସଫଳତାର ଶୀର୍ଷରେ ପହଞ୍ଚିଥିଲା, ସେ ସବୁ ଦେଖି ଭାବବିହ୍ୱଳ ହୋଇପଡିଥିଲେ ସୋ’ର ଉପସ୍ଥାପକ ବିଗ ବି ଅମିତାଭ ବଚ୍ଚନ | ଏହି ସମୟରେ ସେ କ’ଣ ପାଇଁ ସୋ’ର ଉପସ୍ଥାପକ ହେବା ପାଇଁ ନିଷ୍ପତ୍ତି ନେଇଥିଲେ, ସେ ବିଷୟରେ ଜଣାଇଥିଲେ |
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ମୁତାବକ, ଯେତେବେଳେ ମୁଁ ଚଳଚ୍ଚିତ୍ରରୁ ଟିଭିକୁ ଆସୁଥିଲି, ସେତେବେଳେ ଲୋକମାନେ ମୋତେ ତାହା କରିବାକୁ ବାରଣ କରିଥିଲେ | ଏହା ମୋର ଭାବମୂର୍ତ୍ତିକୁ କ୍ଷତି ପହଞ୍ଚାଇବ ବୋଲି ମୋତେ କୁହାଯାଇଥିଲା। କିନ୍ତୁ, ସେତେବେଳେ ମୋତେ ଫିଲ୍ମରେ କାମ ମିଳୁନଥିବାରୁ ମୁଁ ବାଧ୍ୟ ହୋଇ ସୋ’ର ଉପସ୍ଥାପକ ହେବାକୁ ନିଷ୍ପତ୍ତି ନେଇଥିଲି | ଏଥିପାଇଁ ମୁଁ ଲଣ୍ଡନ ଯାଇ ସେଠାରେ ଚର୍ଚ୍ଚାରେ ଥିବା ସୋ’ ଦେଖିଲି | ଏହା ପରେ ମୁଁ ଚ୍ୟାନେଲକୁ ଏଭଳି ସୋ’ କଲେ ମୁଁ ଉପସ୍ଥାପକ ହେବି ବୋଲି ଜଣାଇଥିଲି | ମୋ କଥା ମାନି ଚ୍ୟାନେଲ ଠିକ ସେଭଳି ଭାବେ ସୋ’ ତିଆରି କରିଥିଲେ ଏବଂ ପ୍ରଥମ ଅଧ୍ୟାୟରେ ଏହି ସୋ’କୁ ଲୋକଙ୍କ ଭଲ ପାଇବା ମିଳିବ ଆରମ୍ଭ ହୋଇଥିଲା | ଏପର୍ଯ୍ୟନ୍ତ ମଧ୍ୟ ଏହି ସୋ’କୁ ଲୋକଙ୍କ ଭଲ ପାଇବା ମିଲିଚାଲିଛି |