ଶ୍ରୀଦେବୀଙ୍କ ଦେହାନ୍ତ ପରେ ସାବତ ଭଉଣୀଙ୍କ ସହ ଭଲ ସଂପର୍କ ରଖିବା ପାଇଁ କିଏ ଦେଇଥିଲେ ପରାମର୍ଶ, ଜାଣନ୍ତୁ?
ମୁମ୍ବାଇ : ଫେବୃଆରି ମାସରେ ଶ୍ରୀଦେବୀଙ୍କର ହଠାତ୍ ଦେହାନ୍ତ ହେବା ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ହଠାତ୍ ଶ୍ରୀଦେବୀ ଛାଡ଼ି ଚାଲିଯିବା ପରେ ବୋନି କପୁରଙ୍କ ପରିବାର ଦୁଃଖରେ ଭାଙ୍ଗି ପଡ଼ିଥିଲା । ଶ୍ରୀଦେବୀଙ୍କ ପରେ ଦୁଇ ଝିଅଙ୍କୁ କିପରି ସମ୍ଭାଳିବେ ସେ ନେଇ ଚିନ୍ତାରେ ଥିଲେ ବୋନି କପୁର । କିନ୍ତୁ ତାଙ୍କ ଜଣା ନଥିଲା ଏଭଳି ଦୁଃଖ ସମୟରେ ତାଙ୍କର ଦୁଇଟି ପରିବାର ଏକ ହୋଇଯିବ । ସାବତ ଭାଇ ଭଉଣୀଙ୍କ ମଧ୍ୟରେ ଥିବା ଦୂରତା କମ ହୋଇଯିବ ।
Sambad is now on WhatsApp
Join and get latest news updates delivered to you via WhatsApp
ଆପଣମାନେ ଜାଣିଥିବେ ଶ୍ରୀଦେବୀଙ୍କ ପରେ ଏବେ ଅର୍ଜୁନ ଏବଂ ତାଙ୍କ ଭଉଣୀ ଅଂଶୁଲା ନିଜର ଦୁଇ ସାବତ ଭଉଣୀ ଜାହ୍ନବୀ ଏବଂ ଖୁସି କପୁରଙ୍କ ଦେଖାଶୁଣା ଆରମ୍ଭ କରିଛନ୍ତି । ପୂର୍ବରୁ ଏହି ୪ଜଣଙ୍କ ମଧ୍ୟରେ ସେତେଟା ଭଲ ସଂପର୍କ ନଥିବା ବେଳେ ଏବେ ୪ଜଣଙ୍କୁ ସବୁଠି ସାଙ୍ଗରେ ଦେଖିବାକୁ ମିଳୁଛି । ବଡ଼ ଭାଇ ହିସାବରେ ଅର୍ଜୁନ ସବୁ ଦାୟିତ୍ୱ ନେଇଛନ୍ତି । କିନ୍ତୁ ହଠାତ୍ ଏତେ ପରିବର୍ତ୍ତନ ଅର୍ଜୁନଙ୍କ ଭିତରେ ଆସିଲା କେମିତି? ଏହି ପ୍ରଶ୍ନ ଅର୍ଜୁନଙ୍କୁ ପଚରାଯିବା ପରେ, ଏ ସବୁ ମୋ ମାଉସୀଙ୍କ ପରାମର୍ଶ ପାଇଁ ସମ୍ଭବ ହେଲା ବୋଲି କହିଥିଲେ । ମୁଁ କିଛି କିଛି ମାମଲାରେ ତାଙ୍କର ପରାମର୍ଶ ନେଇଥାଏ । ଜାହ୍ନବୀ ଏବଂ ଖୁସିଙ୍କ ଅବସ୍ଥା ଦେଖି ମୁଁ ଏବଂ ଅଂଶୁଲା ସେ ସମୟରେ ଯାହା ଠିକ୍ ଥିଲା ସେଇଟା କରିଥିଲୁ । ଏବେ ଆମର ସେ ପଦକ୍ଷପ ଠିକ୍ ଥିଲା ମୁଁ ଭାବୁଛି ବୋଲି କହିଥିଲେ ଅର୍ଜୁନ ।