ଅଭିଷେକ-ଐଶ୍ୱର୍ଯ୍ୟାଙ୍କ ବିବାହରେ ଜାହ୍ନବୀ କାହିଁକି ହାତ କାଟି ଥିଲେ, ଜାଣନ୍ତୁ...

ମୁମ୍ବାଇ: ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ୧୭ ବର୍ଷରୁ ଅଧିକ ସମୟ ଧରି ଦାମ୍ପତ୍ୟ ଜୀବନ ବିତାଉଛନ୍ତି। ଏହି ଦମ୍ପତିଙ୍କର ଝିଅ ଆରାଧ୍ୟା ବଚ୍ଚନ ସମୟ ସମୟରେ ମଧ୍ୟ ଖବର ଶିରୋନାମରେ ରହୁଛନ୍ତି।  ସମ୍ପ୍ରତି ଅଭିଷେକ-ଐଶ୍ୱର୍ଯ୍ୟାଙ୍କ ଛାଡପତ୍ର ଗୁଜବ ସୋସିଆଲ ମିଡ଼ିଆରେ ମୁଖ୍ୟ ଚର୍ଚ୍ଚାରେ ରହିଛି।

ଛାଡ଼ପତ୍ରକୁ ଗୁଜବ କୁହାଯାଉଥିଲେ ମଧ୍ୟ  ଉଭୟଙ୍କ ମଧ୍ୟରେ ସମ୍ପର୍କ ଠିକ୍ ନୁହେଁ ବୋଲି କେତେକ ଘଟଣାରୁ ମଧ୍ୟ ଜଣାପଡ଼ିଛି। ତେବେ ଅଭିଷେକ ବଚ୍ଚନ ନିକଟରେ ସେ ଏବେ ବି ବିବାହିତ ବୋଲି କହି ଏହି ଗୁଜବକୁ ଶେଷ କରିଛନ୍ତି। କିନ୍ତୁ ସୋସିଆଲ ମିଡ଼ିଆ ୟୁଜରମାନେ ଅଭିଷେକଙ୍କ ଏହି ମନ୍ତବ୍ୟକୁ ସହଜରେ ବିଶ୍ୱାସ କରୁନାହାନ୍ତି। 

ଜଣେ ମଡେଲ ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ବିବାହକୁ ବନ୍ଦ କରିବା ପାଇଁ ତାଙ୍କ ହାତର ଶିରା କାଟି ଦେଇଥିଲେ। ୨୦୦୭ ମସିହାରେ ଅମିତାଭ ବଚ୍ଚନଙ୍କ ବଙ୍ଗଳା ପ୍ରତୀକ୍ଷାରେ ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟଙ୍କ ବିବାହ ଅନୁଷ୍ଠିତ ହୋଇଥିଲା।

କନ୍ୟା ଐଶ୍ୱର୍ଯ୍ୟା ରାୟ ଏକ ଗୋଲଡେନ୍ କାଞ୍ଜିବରାମ ସାଢ଼ି ଏବଂ ପାରମ୍ପରିକ ଅଳଙ୍କାରରେ ସଜ୍ଜିତ ହୋଇଥିଲେ।  ଅଭିଷେକ ବଚ୍ଚନ ମଧ୍ୟ ଏକ ଧଳା ଶେରୱାନୀ ପିନ୍ଧିଥିଲେ। 

ଏହି ଉତ୍ସବ ଅବସରରେ ବଚ୍ଚନ ହାଉସ ବାହାରେ ଏକ ବଡ଼ ବିବାଦ ଉପୁଜିଥିଲା।  ବାସ୍ତବରେ ଜଣେ ମଡେଲ ଜାହ୍ନବୀ କପୁର (ଶ୍ରୀଦେବୀଙ୍କ ଝିଅ ଜାନଭୀ କପୁର ନୁହନ୍ତି) ଦାବି କରିଥିଲେ ଯେ ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କ ପୁଅ ଅଭିଷେକ ବଚ୍ଚନ ତାଙ୍କୁ ବିବାହ କରିସାରିଛନ୍ତି।

ଜାହ୍ନବୀଙ୍କ ଏହି ଦାବି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ଏହା ପରେ ମଡେଲ ମଧ୍ୟ ଜୁହୁ ପୁଲିସ୍ ଷ୍ଟେସନରେ ଅଭିଷେକ ବଚ୍ଚନଙ୍କ ବିରୋଧରେ ମାମଲା ରୁଜୁ କରିବାକୁ ଚେଷ୍ଟା କରିଥିଲେ। ​​କିନ୍ତୁ ପ୍ରମାଣ ଅଭାବରୁ ମାମଲା ଦାଏର ହୋଇ ପାରି ନ ଥିଲା। ଅନେକ ଲୋକ ଦାବି କରିଥିଲେ ଯେ 'ଦଶ'ରେ ଅଭିଷେକ ବଚ୍ଚନଙ୍କ ସହ କାମ କରିଥିବା ଜାହ୍ନବୀ କପୁରଙ୍କ ଦ୍ୱାରା ଏହା ଏକ ପବ୍ଲିସିଟି ଷ୍ଟଣ୍ଟ୍। 

ପ୍ରାରମ୍ଭରେ ଜାହ୍ନବୀ ଶାନ୍ତିପୂର୍ଣ୍ଣ ଭାବରେ ନିଜର ବିରୋଧ ପ୍ରଦର୍ଶନ କରିଥିଲେ। କିନ୍ତୁ ଯେତେବେଳେ ସେ ଜାଣିବାକୁ ପାଇଲେ ଯେ ଅଭିଷେକ ବଚ୍ଚନ ତାଙ୍କର ସମସ୍ତ ଅଭିଯୋଗକୁ ଖର୍ଡନ କରିଛନ୍ତି, ସେତେବେଳେ ଅଭିନେତ୍ରୀ ଏକ ମାରାତ୍ମକ ପଦକ୍ଷେପ ନେଇଥିଲେ। ଜାହ୍ନବୀ କପୁର ଅଭିଷେକ ବଚ୍ଚନଙ୍କ ପ୍ରତି ଥିବା ନିଜ ପ୍ରେମକୁ ପ୍ରମାଣ କରିବା ପାଇଁ ହାତର ଶିରାକାଟି ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ।

ସେ ତାଙ୍କ ହାତର ଶିରା କାଟିବାକୁ ଚେଷ୍ଟା କରିବା ପରେ ତାଙ୍କୁ ଚିକିତ୍ସା ଲାଗି ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ଏହି ସମୟରେ ସେ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ବିରୋଧରେ ତାଙ୍କ ସ୍ୱାମୀଙ୍କୁ ଚୋରି କରିଥିବା ଅଭିଯୋଗ ଆଣିଥିଲେ। ଜାହ୍ନବୀ କପୁର ସୁସ୍ଥ ଅନୁଭବ କରିବା ମାତ୍ରେ ଜୁହୁ ପୁଲିସ୍ ଷ୍ଟେସନ ଆଇପିସିର ଧାରା ୩୦୯ ଅନୁଯାୟୀ ଆତ୍ମହତ୍ୟା ଉଦ୍ୟମ ପାଇଁ ମଡେଲଙ୍କ ବିରୋଧରେ ମାମଲା ରୁଜୁ କରିଥିଲା।

ଅଧିକ ପଢ଼ନ୍ତୁ: ଆଜି ମଧ୍ୟ କରିସ୍ମାଙ୍କର ଅଭିଷେକଙ୍କ ସହ ସମ୍ପର୍କ ଅଛି !

ପରେ, ୧୦,୦୦୦ ଟଙ୍କା ଦେବା ପରେ ଜାହ୍ନବୀ କପୁରଙ୍କୁ  ପୁଲିସ୍ ହେପାଜତରୁ ମୁକ୍ତ କରାଯାଇଥିଲା। ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ବିବାହ ପରେ ଜାହ୍ନବୀ କପୁରଙ୍କୁ ଆଉ ପ୍ରତୀକ୍ଷା ବାହାରେ ଦେଖିବାକୁ ମିଳି ନ ଥିଲା। ସେ ଗଣମାଧ୍ୟମରେ କୌଣସି ମନ୍ତବ୍ୟ ମଧ୍ୟ ଦେଇ ନ ଥିଲେ।

ଅଧିକ ପଢ଼ନ୍ତୁ:ହରିୟାଣା ନିର୍ବାଚନ ତାରିଖରେ ପରିବର୍ତ୍ତନ ହେବ! ନିର୍ବାଚନ ଆୟୋଗ ବିଚାର କରିବେ

ଅଧିକ ପଢ଼ନ୍ତୁ:ମୋଦୀ ପାକିସ୍ତାନ ଯିବେ କି? ଶାହବାଜ କାହିଁକି ପଠାଇଲେ ନିମନ୍ତ୍ରଣ,ଜାଣନ୍ତୁ...

 

ଅଧିକ ପଢ଼ନ୍ତୁ: ଏ ମୋତେ କାମୁଡିଛି: ସାପକୁ ନେଇ ଡାକ୍ତରଖାନାରେ ପହଞ୍ଚିଲେ ବ୍ୟକ୍ତି