ଏହି କାରଣ ପାଇଁ ସ୍ୱାମୀ ସିଦ୍ଧାର୍ଥଙ୍କ ସହ ଆଜି ପର୍ଯ୍ୟନ୍ତ କାମ କରି ନାହାନ୍ତି ବିଦ୍ୟା
ମୁମ୍ବାଇ : ବିଦ୍ୟା ବାଲାନ୍ ଏବେ ବଲିଉଡ୍ର ଲୋକପ୍ରିୟ ଅଭିନେତ୍ରୀମାନଙ୍କ ମଧ୍ୟରୁ ଜଣେ । କିଛି ଦିନ ତଳେ ତାଙ୍କର ଅଭିନୀତ ଫିଲ୍ମ ‘ମିଶନ ମଙ୍ଗଲ’ ରିଲିଜ୍ ହୋଇଥିଲା । ଯାହାକୁ ଦର୍ଶକଙ୍କ ଭଲ ପାଇବା ମିଳିବା ସହ ଫିଲ୍ମଟି ସୁପରହିଟ୍ ହୋଇଥିଲା । କିନ୍ତୁ ଅନେକ ହିଟ୍ ଫିଲ୍ମ ଦେଇଥିବା ବିଦ୍ୟା ଏ ପର୍ଯ୍ୟନ୍ତ ନିଜର ପ୍ରଯୋଜକ ସ୍ୱାମୀ ସିଦ୍ଧାର୍ଥ ରଏ କପୁରଙ୍କ ସହ କୌଣସି ଫିଲ୍ମ କରି ନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହାର କାରଣ ପଚରାଯିବା ପରେ ବିଦ୍ୟା କହିଥିଲେ, “ଫିଲ୍ମରେ ଯଦି ମୋତେ କୌଣସି ସମସ୍ୟା ହୁଏ, ତେବେ ମୁଁ ମୋ ନିର୍ଦ୍ଦେଶକ ଓ ପ୍ରଯୋଜକଙ୍କ ସହ ଯୁକ୍ତି କରିଥାଏ । କିନ୍ତୁ ଯଦି ମୋ ସ୍ୱାମୀ ପ୍ରଯୋଜକ ହୋଇଥିବେ, ତେବେ ମୁଁ ତାହା କରି ପାରିବି ନାହିଁ । ଏହା ସହ ମୁଁ ମୋ ସ୍ୱାମୀଙ୍କ ସହ ମୋର ସଂପର୍କ ଖରାପ କରିବାକୁ ଚାହୁଁ ନ ଥିବାରୁ ମୁଁ ତାଙ୍କ ସହ ଆଜି ପର୍ଯ୍ୟନ୍ତ ଫିଲ୍ମ କରି ନାହିଁ`।’