ଏହି ଉପାୟ ଆପଣାଇ ନିଜକୁ କାଷ୍ଟିଙ୍ଗ କାଉଚ୍ର ଶିକାର ହେବାରୁ ବଞ୍ଚାଇଥିଲେ ଅଭିନେତ୍ରୀ ୟାମି, ଏଭଳି କରିବାକୁ ଦେଲେ ପରାମର୍ଶ
ମୁମ୍ବାଇ : ଫିଲ୍ମ ‘ବିକି ଡ଼ୋନର’ରୁ ବଲିଉଡ୍ରେ ନିଜ କ୍ୟାରିୟର ଆରମ୍ଭ କରିଥିଲେ ଅଭିନେତ୍ରୀ ୟାମି ଗୌତମ । ପ୍ରଥମ ଫିଲ୍ମରୁ ହିଁ ସେ ଲୋକପ୍ରିୟତା ହାସଲ କରିବା ସହ ବଲିଉଡ୍ରେ ନିଜର ସ୍ୱତନ୍ତ୍ର ସ୍ଥାନ ବନାଇ ପାରିଥିଲେ । ତେବେ ଫିଲ୍ମ ଇଣ୍ଡଷ୍ଟ୍ରିରେ ଚାଲୁଥିବା କାଷ୍ଟିଙ୍ଗ କାଉଚ୍ ଉପରେ ଅନେକ ଅଭିନେତ୍ରୀ ନିଜର ଅଭିଜ୍ଞତା ସେୟାର କରି ସାରିଥିବା ବେଳେ ଏବେ ଏଥିରୁ ବଞ୍ଚିବାର ଉପାୟ କହିଛନ୍ତି ଅଭିନେତ୍ରୀ ୟାମି ଗୌତମ ।
Sambad is now on WhatsApp
Join and get latest news updates delivered to you via WhatsApp
ପ୍ରଥମେ ସେ ନିଜେ କିପରି କାଷ୍ଟିଙ୍ଗ କାଉଚ୍ର ଶିକାର ହେବାରୁ ନିଜକୁ ବଞ୍ଚାଇ ଥିଲେ ତାହା କହିବା ସହ ସମସ୍ତଙ୍କୁ ଏପରି କରିବା ପାଇଁ ଉପଦେଶ ଦେଇଛନ୍ତି । ସୂଚନା ମୁତାବକ, ଇଣ୍ଡିଆ ଟୁଡ଼େ ଉମେନ ସମିଟ୍ ଆଣ୍ଡ ଆଓ୍ଵାର୍ଡ଼ସରେ ଯୋଗ ଦେଇ ସେ କାଷ୍ଟିଙ୍ଗ କାଉଚ୍କୁ ନେଇ ନିଜର ମତ ରଖିଥିଲେ । କାଷ୍ଟିଙ୍ଗ୍ କାଉଚ୍ ସଂପର୍କିତ ପ୍ରଶ୍ନ ତାଙ୍କୁ ପଚରାଯିବା ପରେ ଆରମ୍ଭରୁ ସେ ନିଜକୁ କିପରି ଏଥିରୁ ଦୂରରେ ରଖି ଆସିଛନ୍ତି ତାହା ଜଣାଇଥିଲେ ।
ୟାମି କହିଥିଲେ, ‘ସୁଟିଂ ସମୟରେ ଅନ୍ୟମାନଙ୍କଠାରୁ ନିଜକୁ ଦୂରରେ ରଖି କାମ କଲେ ଏଭଳି ପରିସ୍ଥିତି ଉପୁଜିବ ନାହିଁ । ଅନ୍ୟକୁ ଭଲ ଭାବରେ ନ ଜାଣି କଥା ହେବା ଭୁଲ । ଯେତେବେଳେ ମୁଁ ପ୍ରଥମେ ଆସିଥିଲି ସେତେବେଳେ ବିଶେଷ କାହାକୁ ଜାଣି ନଥିବାରୁ ନିଜ ସହ ବହି ନେଇ ସେଟ୍କୁ ଯାଉଥିଲି । ସୁଟିଂରୁ ବିରତି ମିଳିଲେ ମୁଁ ବହି ପଢ଼ିବା ଆରମ୍ଭ କରି ଦେଉଥିଲି । ମୁଁ ସମସ୍ତଙ୍କୁ କହିଥାଏ କି ଯଦି ଆପଣ କାହାକୁ ଭଲ ଭାବରେ ଜାଣି ନାହାନ୍ତି ତେବେ ସେମାନଙ୍କ ସହ କଥା ହେବା ପରିବର୍ତ୍ତେ ନିଜ କାମରେ ଧ୍ୟାନ ଦିଅନ୍ତୁ । ଏ ଲାଇନ୍ରେ ସାବଧାନ୍ ରହିବା ନିହାତି ଆବଶ୍ୟକ।’