ନୂଆଦିଲ୍ଲୀ:  ଚର୍ଚ୍ଚିତ ୟୁଟ୍ୟୁବର୍ ଅରମାନ୍ ମଲ୍ଲିକଙ୍କ ପ୍ରଥମ ସ୍ତ୍ରୀ ପାୟଲ ମଲ୍ଲିକ ବୁଧବାର ଯାଆଁଳା ସନ୍ତାନକୁ ଜନ୍ମ ଦେଇଛନ୍ତି। କିଛିଦିନ ତଳେ ଅରମାନଙ୍କ ଦ୍ବିତୀୟ ସ୍ତ୍ରୀ କ୍ରିର୍ତ୍ତିକା ମଲ୍ଲିକ ଏକ  ପୁତ୍ର ସନ୍ତାନକୁ ଜନ୍ମ ଦେଇଥି‌ଲେ। ତେବେ ଅରମାନ ଗୋଟିଏ ମାସ ମଧ୍ୟରେ ତିନିଟି ସନ୍ତାନର ବାପା ହୋଇଥିବା ବେଳେ ପାୟଲ ଦ୍ବିତୀୟ ଥର ମା’ ହୋଇଛନ୍ତି। ଘରେ ଏକାସାଙ୍ଗରେ ତିନିଜଣ ନୂଆ ଅତିଥିଙ୍କ ଆଗମନ ଭାଗ୍ୟରେ ଥିଲେ ମି‌ଳେ ବୋଲି କିଛି ଲୋକ ପ୍ରତିକ୍ରିୟା ‌ଦେଇ କହିଛନ୍ତି।

Advertisment

କ୍ରିର୍ତ୍ତିକାଙ୍କ ପରେ ପାୟଲ ମା’ ହେବା ଖବର ଜାଣିବା ପରେ ସେମାନଙ୍କ  ପ୍ରଶଂସକମାନେ ଉଭୟ ମା’ ଓ ଶିଶୁଙ୍କୁ ଅଭିନନ୍ଦନ ଜଣାଇଛନ୍ତି । ବର୍ତ୍ତମାନ ପ୍ରସିଦ୍ଧ ୟୁଟ୍ୟୁବର୍ ଅରମାନ୍ ମଲ୍ଲିକ ୪ଟି ସନ୍ତାନର ପିତା ହୋଇଛନ୍ତି ।

ଅରମାନ ଏହି ଖୁସିର ମୁହୂର୍ତ୍ତକୁ ଅନେକ ଦିନରୁ ଅପେକ୍ଷା କରିଥିଲେ। ନିଜ ଖୁସିକୁ ସେ ବ୍ୟକ୍ତ କରିବାକୁ ଶବ୍ଦ ପାଉ ନାହାନ୍ତି । କାରଣ ଗୋଟିଏ ମାସ ଭିତରେ ସେ ତୃତୀୟ ଥର ବାପା ହୋଇଛନ୍ତି। ପୂର୍ବରୁ ତାଙ୍କର ଏକ ପୁତ୍ର ସନ୍ତାନ ବି ରହିଛି। ଅର୍ଥାତ ସେ ୪ଜଣ ପିଲାଙ୍କ ବାପା। ଯେଉଁଥିପାଇଁ ସେ ଗର୍ବ ଅନୁଭବ ବି କରୁଛନ୍ତି।

ସୂଚନାଯୋଗ୍ୟ, ୟୁଟ୍ୟୁବର୍ ଅରମାନ୍ ମଲ୍ଲିକଙ୍କ ଦ୍ୱିତୀୟ ପତ୍ନୀ କ୍ରିର୍ତ୍ତିକା ମଲ୍ଲିକ ଚଳିତ ମାସ ୬ ତାରିଖରେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ଏହାର ଠିକ୍ ୨୦ ଦିନ ପରେ ପ୍ରଥମ ପତ୍ନୀ ପାୟଲ ମଲ୍ଲିକ ଯାଆଁଳା ଶିଶୁ ଜନ୍ମ ଦେଇଛନ୍ତି । ଆଜି ୟୁଟ୍ୟୁବର୍ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରୁ ଏକ ଫଟୋ ସେୟାର କରି ପ୍ରଶଂସକଙ୍କୁ ଏହି ଖୁସି ଖବର ଦେଇଛନ୍ତି ।

ଫଟୋରେ ଦେଖିବାକୁ ମିଳିଛି ଯେ, ପାୟଲ ହସ୍ପିଟାଲ ବେଡ଼ରେ ଶୋଇଥିବା ବେଳେ କିର୍ତ୍ତିକା ତାଙ୍କ ନିକଟରେ ବସିଛନ୍ତି । ପୁଅ ଚିକୁ ଓ ସ୍ବାମୀ ଅରମାନ ପାୟଲ ନିକଟରେ ଛିଡ଼ା ହୋଇଛନ୍ତି ।