ସୋସିଆଲ୍‌ ମିଡିଆରେ ପୁଅ ଜୈଦ୍‌ର ଫଟୋ, ଭିଡିଓ ସେୟାର୍‌ କଲେ ଅର୍ମାନ ମଲ୍ଲିକ୍‌

ନୂଆଦିଲ୍ଲୀ: ୟୁଟ୍ୟୁବର୍‌ ଅର୍ମାନ ମଲ୍ଲିକ ଖୁବ୍‌ ଲୋକପ୍ରିୟ। ଅର୍ମାନ ବି‌ଶେଷ ଭାବେ ତାଙ୍କ ୨ ଜଣ ପତ୍ନୀ ପାୟଲ୍‌ ମଲ୍ଲିକ ଓ କୃର୍ତ୍ତିକା ମଲ୍ଲିକଙ୍କୁ ନେଇ ଚର୍ଚ୍ଚାରେ ରହିଥାଆନ୍ତି। ଆପଣ ଜାଣିଥିବେ ଯେ ଅର୍ମାନଙ୍କ ୨ ଜଣ ଯାକ ପତ୍ନୀ ଗର୍ଭବତୀ ଥିଲେ। ଏବେ ଅର୍ମାନଙ୍କ ଦ୍ବିତୀୟ ପତ୍ନୀ କୃର୍ତ୍ତିକା ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ଅର୍ମାନଙ୍କ ପ୍ରଥମ ପତ୍ନୀ ପାୟଲଙ୍କର ଏକ ପୁତ୍ର ଥିବା ବେଳେ ଏବେ ସେ ଦ୍ବିତୀୟ ଥର ପାଇଁ ବାପା ବନିଛନ୍ତି। ଘରେ ନୂଆ ଅତିଥି ଆସିବା ନେଇ ଖୁସିର ମାହୋଲ ଜମିଛି।

ତେବେ ଏହା ମଧ୍ୟରେ ଅର୍ମାନଙ୍କ ପୁଅର ଫଟୋ ବି ସୋସିଆଲ୍‌ ମିଡିଆରେ ଭାଇରାଲ୍‌ ହେବାରେ ଲାଗିଛି। ତେ‌ବେ ପୁଅକୁ ଦେଖିବା ପରେ ଅର୍ମାନଙ୍କ ପତ୍ନୀ କୃର୍ତ୍ତିକା ଏତେ ଖୁସି ହୋଇ ଯାଇଛନ୍ତି ଯେ ଏତେ ସୁନ୍ଦର ପିଲା ତାଙ୍କର ହୋଇଛି ବୋଲି ତାଙ୍କୁ ବିଶ୍ବାସ ହେଉନଥିବା ସେ କହିଛନ୍ତି। କୃର୍ତ୍ତିକା ଭାବପ୍ରବଣ ହୋଇ ତାଙ୍କୁ ତାଙ୍କ ଜୀବନର ସବୁଠାରୁ ବଡ଼ ଉପହାର ମିଳିଯାଇଛି ବୋଲି ସେ କହିଛନ୍ତି।

କୃର୍ତ୍ତିକା ମାଆ ବନିବା ପରେ ଅର୍ମାନଙ୍କ କହିବା କଥା ହେଉଛି ଏବେ ଗୋଟାଏ ପିଲା ହୋଇ ପୂରା ପରିବାର ରାତି ଅନିଦ୍ରା ରହୁଛି। ଆହୁରି ୨ଟା ପିଲା ଆସିବା ପରେ ପରିସ୍ଥିତି ଦେଖିବା ପରି ହେବ। ତେବେ ଅର୍ମାନଙ୍କର ୨ଟି ପୁଅ ଥିବା ହେତୁ ଏବେ ଏକ ଝିଅର ଅପେକ୍ଷା ସମସ୍ତଙ୍କୁ ରହିଛି। ଆପଣ ଜାଣନ୍ତି ‌ଯେ ପାୟଲଙ୍କର ପୂର୍ବରୁ ଚିକି ନାମକ ଏକ ପୁଅ ଅଛି। ଯାହର ଭଲ ନାମ ଚିରାୟୁ ମଲ୍ଲିକ। ଅର୍ମାନ ତାଙ୍କ ଦ୍ବିତୀୟ ପୁଅର ନାମ ଜୈଦ୍‌ ମଲ୍ଲିକ ଦେଇ ବିବାଦକୁ ଆସିଛନ୍ତି। ଲୋକେ ଏହାକୁ ଏକ ମୁସ୍‌ଲାମାନ ନାମ ବୋଲି କହୁଛନ୍ତି।