ଜିନତ୍‌ ଅମାନଙ୍କୁ ଦେଖି ଖୁସିରେ ଗପି ଚାଲିଥିଲେ ଉର୍ଫି; ଏପରି ଲୁକ୍‌ ଦେଲେ ପୂର୍ବ ବଲିଉଡ୍‌ ନାୟିକା

ମୁମ୍ବାଇ: ନିକଟରେ ବଲିଉଡ୍‌ ବ୍ୟକ୍ତିତ୍ବ  ଜିନତ୍‌ ଅମାନଙ୍କ ସାକ୍ଷାତ୍‌ ହୋଇଥିଲା ବଲିଉଡ୍‌ କ୍ବିନ୍‌ ଉର୍ଫି ଜାଭେଦଙ୍କ ସହ। ଦୁଇ ଜଣ ଯାକ ଫେସନ ଡିଜାଇନର୍‌ ଅମିତ ଆଗ୍ରୱାଲଙ୍କର ଏକ ଇଭେଣ୍ଟ୍‌ରେ ଭେଟ ହେବା ପରେ ସେମାନଙ୍କର ଏକ ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି। ଭିଡିଓରେ ଉର୍ଫି ଜିନତଙ୍କ ସହ ଖୁବ୍ ଉତ୍ସୁକତାର ସହ କଥା ହେଉଥିବାର ଦେଖିବାକୁ ମିଳିଛନ୍ତି। ତେବେ ଜିନତ ଉର୍ଫିଙ୍କୁ ତଳରୁ ଉପର ପର୍ଯ୍ୟନ୍ତ ଗାଡ଼େଇ ଗାଡେଇ ଚାହୁଁଛନ୍ତି।

ଭିଡିଓକୁ ଦେଖିବା ପରେ ଲୋକ ଜିନତଙ୍କ ପ୍ରତିକ୍ରିୟାଙ୍କୁ ନେଇ ଚର୍ଚ୍ଚା ଆରମ୍ଭ କରିଛନ୍ତି। କେହି କେହି କମେଣ୍ଟ୍‌ରେ ବି ଲେଖିଛନ୍ତି ଯେ ‘ଜିନତଙ୍କ ପ୍ରତିକ୍ରିୟା ଦେଖିବା ଉପଯୋଗୀ ହୋଇଛି’। ତେବେ ଭିଡିଓକୁ ଦେଖି କେହି କେହି ଖୁବ୍ ମଜାଦାର୍‌ କ‌ମେଣ୍ଟ୍‌ ବି ଲେଖିଛନ୍ତି। ଜଣେ ବ୍ୟବହାରକାରୀ କମେଣ୍ଟ୍‌ କରିଛନ୍ତି, ‘ଉର୍ଫି କହୁଥିବେ କି ମ୍ୟାମ୍‌ ଆପଣ କେବେ ଚ‌ାମଚ୍‌ର ସ୍କର୍ଟ ପିନ୍ଧିକି ତ ଦେଖନ୍ତୁ, ମଜା ଲାଗିବ।’

ସେହିପରି ଅନ୍ୟ ଜଣେ ବ୍ୟବହାରକାରୀ ଲେଖିଛନ୍ତି, ‘ଜିନତଜୀ ଭାବୁଥିବେ ଇଏ କିଏ? କେଉଁଠୁ ଆସିଛି?’ ଜିନ୍‌ଜୀ ଯେଉଁ ଭଳି ଭାବେ ଉର୍ଫିଙ୍କୁ ଉପରୁ ତଳ ପର୍ଯ୍ୟନ୍ତ ଦେଖୁଥିଲେ ତାହା ମସ୍ତ ଥିଲା ବୋଲି ଜଣେ ସୋସିଆଲ୍‌ ମିଡିଆ ବ୍ୟବହାରକାରୀ ମତ ରଖିଛନ୍ତି।

ତେବେ ଭିଡିଓରେ ଜିନତଙ୍କର ଅନେକ ଫ୍ୟାନ୍ସ ତାଙ୍କୁ ପ୍ରଶଂସା କରିଥିବାର ବି ଦେଖିବାକୁ ମିଳିଛି। ସେ ବି ତାଙ୍କ ସମୟରେ ଜଣେ ବୋଲ୍ଡ ନାୟିକା ଥିଲେ‌ ବୋଲି ପ୍ରଶଂସକ ମତ ରଖିଛନ୍ତି।