‘ଗଲି ବୟ’ପରେ ନିର୍ଦ୍ଦେଶକ ଜୋୟା ଅଖତର୍‌ କରୁଛନ୍ତି ଏହି କାମ

ମୁମ୍ବାଇ: ଗତ ମାସ ୧୪ ତାରିଖରେ ରିଲିଜ୍‌ ହୋଇଥିବା ରଣବୀର ସିଂହ ଓ ଆଲିଆ ଭଟ୍ଟ ଷ୍ଟାରର୍‌ ଫିଲ୍ମ ‘ଗଲି ବୟ’ ବକ୍ସ ଅଫିସରେ ଧମାକା କରିଛି। ଏହି ଫିଲ୍ମରେ ନିର୍ଦ୍ଦେଶକ ଜୋୟା ଅଖତର୍‌ ମୁରାଦ୍‌ ଓ ସଫିନାଙ୍କ ପ୍ରେମ କାହାଣୀକୁ ଦେଖାଇଛନ୍ତି। ‘ଗଲି ବୟ’ ପରେ ଜୋୟା କେଉଁ ସିନେମା ନିର୍ମାଣ କରୁଛନ୍ତି ଓ ତା’ର କାହାଣୀ କେଉଁ ଭଳି ସେ ସଂପର୍କରେ ଜାଣିବାକୁ ଆପଣମାନଙ୍କ ଭିତରେ ଉତ୍କଣ୍ଠା ତ ଥିବ ନିଶ୍ଚୟ।

ଏବେ ଜୋୟା ଅଖତର ଓ ତାଙ୍କର ସହଯୋଗୀ ରୀମା କାଗ୍‌ତୀ ଏକ ଓ୍ଵବ୍‌ ସିରିଜ୍‌ ନେଇ ଆସୁଛନ୍ତି। ଏହାର ଟାଇଟଲ୍‌ ହେଲା ‘ମେଡ ଇନ୍‌ ହେଭେନ୍‌’। ଏହି ସିରିଜ୍‌ର ସୁଟିଂ ଦିଲ୍ଲୀ ଓ ତା’ର ଆଖପାଖ ଅଞ୍ଚଳରେ ସୁଟିଂ କରାଯାଇଛି। ଏହାର ସିନେମାଟୋଗ୍ରାଫର୍‌ ହେଲେ ‘ଗଲି ବୟ’ ଫେମ୍‌ ପ୍ରିୟା ଓଜା। ‘ମେଡ ଇନ୍‌ ହେଭେନ୍‌’ର ପ୍ରିମିୟର୍‌ ମୁମ୍ବାଇରେ କରାଯାଇଛି ଓ କେତେକ ଖାସ୍‌ ଦର୍ଶକଙ୍କୁ ଏହାର ତିିନିଟି ଏପିସୋଡ୍‌ ଦେଖିବାର ସୁଯୋଗ ଦିଆଯାଇଛି। ଓ୍ଵଡିଂ ପ୍ଲାନରଙ୍କ କାହାଣୀ ଉପରେ ଆଧାରିତ ଫିଲ୍ମଟି ଆଧାରିତ। ଏହାର ପ୍ରତ୍ୟେକ ଏପିସୋଡ୍‌ରେ ନୂଆ ବାହାଘର ଦେଖିବାକୁ ମିଳିବ। ଏହି ସିରିଜ୍‌ ନାୟକ-ନାୟିକା ଭୂମିକାରେ ଥିବା କଳାକାରଙ୍କ ବ୍ୟକ୍ତିଗତ ଜୀବନ ଉପରେ ଆଧାରିତ ବୋଲି କୁହାଯାଉଛି।