ବିଜେପିର ‘ସୋସିଆଲ ମିଡିଆ ଯୋଦ୍ଧା’ ଜଣେ ବ୍ୟକ୍ତି ୧୧୧୪ ହ୍ବାଟ୍ସଆପ୍ ଗ୍ରୁପ୍ର ସଞ୍ଚାଳକ
କୋଲକାତା: ପଶ୍ଚିମବଂଗରେ ଜଣେ ଆଇଟି ସେଲ୍ କାର୍ଯ୍ୟକର୍ତ୍ତା ଏବେ ସୋସିଆଲ ମିଡିଆ ପ୍ରଚାରରେ ରେକର୍ଡ କରିଛନ୍ତି। ତାଙ୍କୁ ରାଜ୍ୟରେ ବିଜେପିର ସୋସିଆଲ ମିଡିଆ ବସ୍ ବୋଲି କୁହାଯାଉଛି । ଦୀପକ ଦାସ ନାମକ ଏହି ବ୍ୟକ୍ତି କୁଚ୍ବିହାରରେ ବିଜେପିର ଜିଲ୍ଲା ଆଇଟି ସେଲ୍ ସଂଯୋଜକ ଏବଂ ସେ ଏକା ୧୧୧୪ ହ୍ବାଟ୍ସଆପ୍ ଗ୍ରୁପ୍ର ପରିଚାଳକ । ସେ ମଧ୍ୟ ଦଳର ଫେସବୁକ୍ ଏବଂ ଟ୍ବିଟର ଟ୍ରେଣ୍ଡ୍ ପରିଚାଳନା କରୁଛନ୍ତି। ଦୀପକ କହିଛନ୍ତି ଯେ ଏହି ବିଶାଳ ସୋସିଆଲ୍ ନେଟ୍ୱର୍କ ପାଇଁ ତାଙ୍କୁ କଠୋର ପରିଶ୍ରମ କରିବାକୁ ପଡ଼ିଛି ଏବଂ ବିଜେପି ସଭାପତି ଅମିତ ଶାହଙ୍କଠାରୁ ସେ ପ୍ରେରଣା ପାଇଛନ୍ତି।