ନୂଆଦିଲ୍ଲୀ : ଟ୍ରାଫିକ ଉପରେ ନଜର ରଖିବା ଲାଗି ସରକାର ଦେଶର ସମସ୍ତ ଟୋଲ୍ ପ୍ଲାଜାରେ ଭିଡିଓ ସର୍ଭେଲାନ୍ସ ବ୍ୟବସ୍ଥା କରିବାକୁ ଯୋଜନା କରାଯାଇଥିବା ସଡ଼କ ପରିବହନ ଓ ଜାହାଜ ଚଳାଚଳ ଏବଂ ରସାୟନ ଓ ସାର ରାଷ୍ଟ୍ରମନ୍ତ୍ରୀ ମନସୁଖ୍ ଏଲ୍ ମାଣ୍ଡଭ୍ୟ ଲୋକସଭାରେ ଆଜି ଏକ ଲିଖିତ ପ୍ରଶ୍ନର ଉତ୍ତରରେ କହିଛନ୍ତି । ଜାତୀୟ ରାଜପଥରେ ଦେୟ ଆଦାୟ ହେଉଥିବା ୨୧୦ ଟି ଟୋଲ୍ ପ୍ଲାଜା ଏବଂ ଆଞ୍ଚଳିକ କାର୍ଯ୍ୟାଳୟ ସହ ନ୍ୟାସନାଲ ହାଇୱେ ଅଥରିଟି ଅଫ୍ ଇଣ୍ଡିଆ ର ମୁଖ୍ୟ କାର୍ଯ୍ୟାଲ୍ର ସେଣ୍ଟ୍ରାଲ କମାଣ୍ଡ ଆଣ୍ଡ କଣ୍ଟ୍ରୋଲ ସେଣ୍ଟରକୁ ସଂଯୁକ୍ତ କରିବା ଲାଗି ଟେଣ୍ଡର ଆହ୍ୱାନ କରାଯାଇଛି । ଏହି ପ୍ରକ୍ରିୟା ଏବେ ଜାରି ରହିଛି ଏବଂ ଏହି ଟେଣ୍ଡରର ଅବଧି ୫ ବର୍ଷ ।
Sambad is now on WhatsApp
Join and get latest news updates delivered to you via WhatsApp
ମନ୍ତ୍ରୀ କହିଥିଲେ ଯେ, କେଉଁ କେଉଁ ଟୋଲ୍ ପ୍ଲାଜାରେ ପ୍ରାରମ୍ଭିକ ଭାହବେ ଭିଡିଓ ସର୍ଭେଲାନ୍ସ ବ୍ୟବସ୍ଥା ଲାଗିବ ତାହା ଚିହ୍ନଟ କରାଯାଇଛି । ଦେୟ ଆଦାୟ କରାଯାଉଥିବା ୨୧୦ ଟି ଟୋଲ୍ ପ୍ଲାଜାକୁ ଏହି ପ୍ରକଳ୍ପ ପାଇଁ ଚିହ୍ନଟ କରାଯାଇଛି । ଏନଏଚ୍ଏଆଇ ମୁଖ୍ୟ କାର୍ଯ୍ୟାଳୟରେ ସେଣ୍ଟ୍ରାଲ କମାଣ୍ଡ ଆଣ୍ଡ କଣ୍ଟ୍ରୋଲ ସେଣ୍ଟର ସ୍ଥାପନ କରି ଆଞ୍ଚଳିକ କାର୍ଯ୍ୟାଳୟ ଓ ଟୋଲ୍ ପ୍ଲାଜା ସହ ଏହାକୁ ସଂଯୋଗ କରିବାକୁ ଯୋଜନା ରହିଛି । ଏଥିପାଇଁ ୩୬ କୋଟି ଟଙ୍କା ବ୍ୟୟ ଅଟକଳ କରାଯାଇଛି ।