୧୯ ପାକିସ୍ତାନୀ ବନ୍ଦୀଙ୍କୁ ମୁକ୍ତ କଲା ଭାରତ
ଅମୃତସର: ୧୯ ଜଣ ପାକିସ୍ତାନୀ ବନ୍ଦୀଙ୍କୁ ମଙ୍ଗଳବାର ଦିନ ଭାରତ ମୁକ୍ତ କରିଛି | ଅଟାରି-ୱାଘା ବର୍ଡ଼ର ଦେଇ ସେମାନେ ନିଜ ଦେଶକୁ ଫେରିଯାଇଛନ୍ତି | ଭାରତରେ ଅନୈତିକ ଭାବେ ରହୁଥିବା ବେଳେ ସେମାନେ ଧରାପଡ଼ିଥିଲେ | ଆଉ ଜେଲଦଣ୍ଡ ଭୋଗୁଥିଲେ |
Sambad is now on WhatsApp
Join and get latest news updates delivered to you via WhatsApp
ବନ୍ଦୀ ଭାବେ ୧୦ ବର୍ଷ ହେଲା ସଜା ଭୋଗୁଥିବା ବିକାଶ ଅହମ୍ମଦ କହିଛନ୍ତି ଯେ ୨୦୦୯ରେ ସେ ବିନା ଭିସାରେ ଭାରତରେ ରହୁଥିବାବେଳେ ଧରାପଡ଼ିଥିଲେ | ୧୦ ବର୍ଷ ପାଇଁ ତାଙ୍କୁ ଦଣ୍ଡ ମିଳିଥିଲା | ସେ କହିଛନ୍ତି ଭାରତକୁ ସମସ୍ତ ନ୍ୟାୟିକ ପ୍ରକ୍ରିୟାରେ ହିଁ ଆସିବେ | ସେହିପରି ୫୫ ବର୍ଷୀୟ ମସ୍ୟଜୀବି ମୁସ୍ତାଫା କହିଛନ୍ତି ଯେ ଉଭୟ ଭାରତ ଓ ପାକିସ୍ତାନ ସରକାର ବନ୍ଦୀମାନଙ୍କୁ ମୁକ୍ତ କରିବାକୁ ସେ ଅନୁରୋଧ କରିଛନ୍ତି |
ବଡ କଥା ହେଉଛି ଭାରତ ପକ୍ଷରୁ ପାକିସ୍ତାନୀ ବନ୍ଦୀମାନଙ୍କୁ ମୁକ୍ତ କରାଯାଉଥିବାବେଳେ ପାକିସ୍ତାନ ପକ୍ଷରୁ ସେଭଳି ତତ୍ପରତା ପ୍ରକଶ କରାଯାଉନାହିଁ | କାରଣ ପ୍ରାୟ ଭାରତୀୟ ବନ୍ଦୀ ସେମାନଙ୍କ ସଜା କାଟିସାରିଥିବାବେଳେ ଅଧିକ ସମୟ ଯାଏଁ ଜେଲରେ ବନ୍ଦୀ ହୋଇ ରହିଛନ୍ତି | ଏହାକୁ ନେଇ ଏପ୍ରିଲ ୯ରେ ଭାରତ ପକ୍ଷରୁ ପାକିସ୍ତାନକୁ ଚିଠି ଲେଖା ଯାଇଥିଲା | କୁହାଯାଇଥିଲା ଯେ ଦଣ୍ଡ ଅବଧି ସରିଯାଇଥିଲେ ବି ଭାରତୀୟମାନଙ୍କୁ ପାକିସ୍ତାନ ଜେଲରୁ ମୁକ୍ତ କରାଯାଉନାହିଁ | ତୁରନ୍ତ ସେମାନଙ୍କୁ ମୁକ୍ତ କରାଯିବାକୁ ପଦକ୍ଷେପ ନେବାକୁ ଭାରତ ପକ୍ଷରୁ କୁହାଯାଇଛି|