ପୁଲୱାମାରୁ କୁଖ୍ୟାତ ଆତଙ୍କବାଦୀ ସଂଗଠନ ଅଲ-ବଦରର ୨ ଆତଙ୍କବାଦୀ ଗିରଫ

ଶ୍ରୀନଗର: ଜମ୍ମୁ- କଶ୍ମୀରର ପୁଲୱାମା ଜିଲ୍ଲାରୁ ସୁରକ୍ଷା ବାହିନୀ ଦୁଇଜଣ ଆତଙ୍କବାଦୀଙ୍କୁ ଗିରଫ କରିଛି। ଗିରଫ ହୋଇଥିବା ୨ ଆତଙ୍କବାଦୀ କୁଖ୍ୟାତ ଆତଙ୍କବାଦୀ ସଂଗଠନ ଅଲ-ବଦରର ସଦସ୍ୟ ଥିବା ଜଣାପଡ଼ିଛି। ଗିରଫ ୨ ଆତଙ୍କବାଦୀଙ୍କ ନିକଟରୁ ନଗଦ ୬ଲକ୍ଷ ଟଙ୍କ ମଧ୍ୟ ଜବତ ହୋଇଛି।
ହସ୍ତଗତ ହୋଇଥିବା ରିପୋର୍ଟରୁ ପ୍ରକାଶ, ଏକ ନିର୍ଦ୍ଦିିଷ୍ଟ ସୂଚନା ମିଳିବା ପରେ ଆଜି ସକାଳେ ଲଡ଼ହୋ କ୍ରସିଂରେ ଚଢ଼ାଉ କରି ଏହି ୨ ଆତଙ୍କବାଦୀଙ୍କୁ ଗିରଫ କରିଥିଲେ ସୁରକ୍ଷା କର୍ମୀ। ଗିରଫ ହୋଇଥିବା ଆତଙ୍କବାଦୀମାନେ ପୁଲଓ୍ଵାମା ଜିଲ୍ଲାର ଅବନ୍ତିପୋରା ଅଞ୍ଚଳର ବାସିନ୍ଦା ରାୟ-ଉଲ-ହାସନ ଏବଂ ମୁସ୍ତାକ୍‌ ଅହମ୍ମଦ ମୀର ବୋଲି ଚିହ୍ନଟ କରାଯାଇଛି।
ଜଣେ ସୁରକ୍ଷା ଅଧିକାରୀ କହିଛନ୍ତି ଯେ, ଏମାନଙ୍କ ନିକଟରୁ କୁଖ୍ୟାତ ଆତଙ୍କବାଦୀ ସଂଗଠନ ଅଲ-ବଦରର ଅନେକ ସାମଗ୍ରୀ ସମେତ ନଗଦ ୬ ଲକ୍ଷ ଟଙ୍କାକୁ ମଧ୍ୟ ଜବତ କରାଯାଇଛି। ଏହି ଦୁଇ ଆତଙ୍କବାଦୀ ସୁରକ୍ଷା ବାହିନୀ ଉପରେ ଆକ୍ରମଣ କରିବା ପାଇଁ ସୁଯୋଗ ଅପେକ୍ଷାରେ ରହିଥିଲେ। ପାକିସ୍ତାନରେ ଥିବା ଆତଙ୍କବାଦୀ କମାଣ୍ଡରମାନଙ୍କ ନିର୍ଦ୍ଦେଶ କ୍ରମେ ଏମାନେ ଜମ୍ମୁ- କଶ୍ମୀର ଅଞ୍ଚଳରେ ଏକାଧିକ ଆତଙ୍କବାଦୀ ହାମଲା ଘଟାଇଥିବା ଅନୁସନ୍ଧାନରୁ ଜାଣିବା ପାଇଁ ମିଳଛି।
ଉଲ୍ଲେଖଯୋଗ୍ୟ, ଏହା ପୂର୍ବରୁ ସୋମବାର ଏବଂ ମଙ୍ଗଳବାର ମଧ୍ୟରାତ୍ରିରେ ହିଜବୁଲ ମୁଜାହିଦ୍ଦିନର ତିନି ଜଣ ଆତଙ୍କବାଦୀଙ୍କୁ ମଧ୍ୟ ଗାନ୍ଦରବାଲ ଜିଲ୍ଲାରୁ ସୁରକ୍ଷା କର୍ମୀମାନେ ଗିରଫ କରିଥିଲେ।