କରୋନାରେ ଦେହାନ୍ତ ହେଲେ ଶ୍ମଶାନରେ ମାଗଣା ସେବା ଯୋଗାଇବେ ଯୋଗୀ
ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜ୍ୟର କରୋନା ସଂକ୍ରମିତଙ୍କ ଚିକିତ୍ସା ପାଇଁ ଯଥା ସମ୍ଭବ ସରକାରୀ ସହାୟତା ଯୋଗାଇ ଦେଇଆସୁଛନ୍ତି । ଏହି କ୍ରମରେ ଶନିବାର ଦିନ କୋଭିଡ ପରିଚାଳନା ପାଇଁ ରାଜ୍ୟରେ ଗଠିତ ଟିମ୍କୁ କିଛି ନିର୍ଦେଶ ଦେଇଛନ୍ତି । ସେ କହିଛନ୍ତି କି କରୋନାରେ ସଂକ୍ରମିତ ହୋଇ ମୃତ୍ୟୁବରଣ କରୁଥିବା ଲୋକମାନଙ୍କର ଅନ୍ତିମ ସଂସ୍କାର ବିନା ଅର୍ଥରେ କରାଯିବ । ହେଲେ ଏହା କେବଳ ନଗର ନିଗର ଅଞ୍ଚଳ ପାଇଁ ଲାଗୁ ବୋଲି ନିର୍ଦ୍ଦେଶନାମାରେ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହାସହ ନଗର ବିକାଶ ନିଗମର ମୁଖ୍ୟ ସଚିବ ମନୋଜ ସିଂ ଆଦେଶ ଜାରି କରି କହିଛନ୍ତି କି, ଅନ୍ତିମ ସଂସ୍କାର ପାଇଁ ମଶାଣୀ ଗୃହ ଓ କବର ସ୍ଥାନରେ ନିଶୁଳ୍କ ସେବା ସରକାରଙ୍କ ତରଫରୁ ଯୋଗାଇ ଦିଆଯିବ । ଏହାସହ ଅନ୍ତିମ ସଂସ୍କାର ବେଳେ ସମସ୍ତ କୋଭିଡ କଟକଣା ପାଳନ କରିବାକୁ ସେ ଅନୁରୋଧ କରିଛନ୍ତି ।
ଅନ୍ତିମ ସଂସ୍କାରରେ ଖର୍ଚ୍ଚ ହେବାକୁ ଥିବା ଟଙ୍କା ନଗର ନିଗମ କିମ୍ବା ରାଜ୍ୟ ଅର୍ଥ ଆୟୋଗରୁ ଖର୍ଚ୍ଚ କରାଯିବ ବୋଲି କୁହାଯାଇଛି । ଗୋଟଏ ଶବ ସଂସ୍କାର ପାଇଁ ଅତିବେଶିରେ ୫ ହଜାର ଟଙ୍କା ସରକାରୀ ସହାୟତା ଯୋଗାଇ ଦିଆଯିବ ବୋଲି କୁହାଯାଇଛି ।
କହିରଖୁ କି ଗତ ୨୪ ଘଂଟା ମଧ୍ୟରେ ଉତ୍ତରପ୍ରଦେଶରେ ୨୮ ହଜାର ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ୩୭୨ ଜଣଙ୍କର ମୃତ୍ୟୁ ହୋଇଛି ।