ଗୁଗୁଲରେ ଭିକାରୀ ସର୍ଚ୍ଚ କଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ଫଟୋ ବାହାରୁଛି, ଭାରତର ଷଡ଼ଯନ୍ତ୍ର ବୋଲି ପାକର ଅଭିଯୋଗ
ଇସ୍ଲାମାବାଦ : ଗୁଗୁଲରେ ଭିକାରୀ ସର୍ଚ୍ଚ କଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ଫଟୋ ବାହାରୁଛି । ଏହାକୁ ନେଇ ପାକିସ୍ତାନରେ ତୀବ୍ର ପ୍ରତିକ୍ରିୟା ଦେଖାଦେଇଛି । ପାକିସ୍ତାନ ବିରୋଧରେ ଏହା ଏକ ବଡ଼ ଷଡ଼ଯନ୍ତ୍ର ବୋଲି ପାକ ସରକାର କହୁଛନ୍ତି । ବିଶେଷକରି ଗୁଗୁଲର ସିଇଓ ଜଣେ ଭାରତୀୟ (ସିନ୍ଦର ପିଚାଇ) ଥିବାରୁ ଏହା ଭାରତର ଷଡଯନ୍ତ୍ର ବୋଲି ସେଠାକାର ସରକାର ବିଚାର କରୁଛନ୍ତି । ଏଥିପାଇଁ ପାକିସ୍ତାନର ପଂଜାବ ବିଧାନସଭାରେ ଏକ ପ୍ରସ୍ତାବ ପାଶ ହୋଇଛି । ସୁନ୍ଦର ପିଚାଇଙ୍କୁ ପାକିସ୍ତାନ ଡାକି ଜବାବ ତଲବ କରିବାକୁ ଏହି ପ୍ରସ୍ତାବରେ ବ୍ୟବସ୍ଥା ରହିଛି । ଏ ଦିଗରେ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ପାକ ସରକାର ଗୁଗୁଲକୁ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
Resolution submitted in Punjab assembly to summon Google CEO and ask him to explain why search for ‘bhikari’ shows PM Imran Khan’s photo. pic.twitter.com/PTlBP49G3l
— Naila Inayat (@nailainayat) December 15, 2018
କିନ୍ତୁ ଗୁଗୁଲରେ ଏପରି ଘଟଣା ନୂଆ ନୁହେଁ । ଗୁଗୁଲ ରେ ପପୁ ସର୍ଚ୍ଚ କଲେ ରାହୁଲ ଗାନ୍ଧିଙ୍କ ଫଟୋ ଓ ଫେକୁ ସର୍ଚ୍ଚ କଲେ ପ୍ରଧାନମନ୍ତ୍ରୀ ମୋଦିଙ୍କ ଫଟୋ ଆସୁଛି । କିନ୍ତୁ ଏହାକୁ ନେଇ ଭାରତ ପକ୍ଷରୁ କେବେ ମଧ୍ୟ ଷଡ଼ଯନ୍ତ୍ର ଅଭିଯୋଗ କରାଯାଇନାହିଁ କି ଗୁଗୁଲ ସିଇଓଙ୍କୁ ଜବାବ ତଲବ କରାଯାଇନାହିଁ । ଏପରିକି ଇଡିଅଟ ସର୍ଚ୍ଚ କଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଫଟୋ ଆସୁଛି । ଏହାର ଜବାବରେ ଗୁଗୁଲ ପକ୍ଷରୁ କୁହାଯାଇଛି ଯେ କୌଣସି ଉଦ୍ଦେଶ୍ୟ ରଖି ଏପରି କରାଯାଏନାହିଁ, ଏକ ଆଲଗୋରିଦିମ ଅନୁସାରେ ହିଁ ଏପରି ସର୍ଚ୍ଚ ରେଜଲ୍ଟ ଆସିଥାଏ । ଲକ୍ଷ ଲକ୍ଷ େଓ୍ଵବସାଇଟରେ ଲୋକମାନେ ଯେପରି ସର୍ଚ୍ଚ କରନ୍ତି ତାହା ଅନୁସାରେ ଏହି ଫଳାଫଳ ବାହାରିଥାଏ ।