ଦୁର୍ଘଟଣା ପରେ କୂଅକୁ ଖସିଲା ବସ୍, ୨୦ ମୃତ
ପୁନେ: ନାସିକ୍ରେ ଏକ ବସ୍ ଏବଂ ଅଟୋ ରିକ୍ସା ମଧ୍ୟରେ ଧକ୍କା ହେବା ପରେ ଉଭୟ ଯାନ ଏକ କୂଅକୁ ଖସି ପଡ଼ିବା ଫଳରେ ୨୦ ଜଣଙ୍କର ମୃତ୍ୟୁ ହୋଇଛି। ୨୮ ଜଣ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି। ଆଜି ସନ୍ଧ୍ୟାରେ ମାଲେଗାଁଓ-ଦେଓଳା ରାସ୍ତାରେ ଏକ ବସ୍ ଏବଂ ଅଟୋ ରିକ୍ସା ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଏହାପରେ ଉଭୟ ବସ୍ ଓ ଅଟୋ ରିକ୍ସା ରାସ୍ତା ପାର୍ଶ୍ବରେ ଥିବା ଏକ ବଡ଼ କୂଅ ମଧ୍ୟକୁ ଖସି ପଡ଼ିଥିଲା । ସ୍ଥାନୀୟ ଜନତା ଏବଂ ପୁଲିସ ପକ୍ଷରୁ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ କରାଯାଇଥିଲା। ଦୁର୍ଘଟଣାଗ୍ରସ୍ତ ବସ୍ଟି ରାଜ୍ୟ ପରିବହନ ବିଭାଗର ଏବଂ ଏହା ଧୁଲେରୁ କଲ୍ୟାଣ ଅଭିମୁଖେ ଯାତ୍ରା କରୁଥିଲା।