ଦେଶର ପ୍ରଥମ କିନ୍ନର ଆଇନ୍ଜୀବୀ ଭାବେ ସତ୍ୟଶ୍ରୀ ଶର୍ମିଲା ମାଡ୍ରାସ୍ ବାର୍ କାଉନସିଲରେ ପଞ୍ଜିକୃତ କଲେ ନିଜ ନାମ
ଚେନ୍ନାଇ (ତାମିଲନାଡ଼ୁ): ଦେଶର ସର୍ବପ୍ରଥମ କିନ୍ନର ଆଇନଜୀବୀ ଭାବେ ସତ୍ୟଶ୍ରୀ ଶର୍ମିଲା ଆଜି ତାଙ୍କ ନାମକୁ ମାଡ୍ରାସ୍ ବାର୍ କାଉନସିଲ୍ରେ ପଞ୍ଜିକୃତ କରିଛନ୍ତି। ଜଣେ କିନ୍ନର ଭାବେ ଏହି ସଫଳତା ହାସଲ କରିବା ଓ କିନ୍ନର ସଂପ୍ରଦାୟରୁ ସେ ସର୍ବପ୍ରଥମ ଆଇନ୍ଜୀବୀ ଥିବା ଜାଣିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଏହି ସଫଳତା ପାଇବା ପରେ ସତ୍ୟଶ୍ରୀ ଶର୍ମିଲା ଆଜି ଗଣମାଧ୍ୟମକୁ କହିଛନ୍ତି ଯେ ଦେଶର ସର୍ବପ୍ରଥମ କିନ୍ନର ଆଇନଜୀବୀ ଭାବେ ଆଜି ମୁଁ ମୋର ନାମ ତାମିଲନାଡ଼ୁ ଓ ପୁଡ଼ୁଚେରି ବାର୍ କାଉନ୍ସିଲ୍ରେ ପଞ୍ଜିକୃତ କରାଇଛି। ଏହି ସଫଳତା ହାସଲ କରିବା ପାଇଁ ମୋତେ ଜୀବନରେ ବହୁ ସଂଗ୍ରାମ କରିବାକୁ ପଡ଼ିଛି। ମୁଁ ଚାହୁଁଛି ମୋ ସଂପ୍ରଦାୟର ଲୋକମାନେ ଜୀବନରେ ଉନ୍ନତି କରନ୍ତୁ ଓ ଆଗକୁ ବଢ଼ନ୍ତୁ। ମୁଁ ମୋ ସଂପ୍ରଦାୟ ଲୋକମାନଙ୍କର ଉତ୍ଥାନ ନିମନ୍ତେ କାର୍ଯ୍ୟ କରିବା ପାଇଁ ଲକ୍ଷ୍ୟ ରଖିଛି ବୋଲି କହିଛନ୍ତି ଶର୍ମିଲା।
Today I enrolled my name in Bar Council Of Tamil Nadu And Puducherry & became the first transgender lawyer in India. I have struggled a lot in my life. I expect that people from my community will do well and serve at higher positions across the country: Sathya Sri Sharmila pic.twitter.com/QvLQFE3zCW
— ANI (@ANI) June 30, 2018
ତାମିଲନାଡ଼ୁର ରାମନାଥପୁରମ୍ ଜିଲ୍ଲାରେ ଜନ୍ମିତ ୩୬ ବର୍ଷ ବୟସ୍କା ସତ୍ୟଶ୍ରୀ ଶର୍ମିଲା ସ୍ନାତକ ପାସ୍ କରିବା ପରେ ତାମିଲନାଡ଼ୁର ସରକାରୀ ଆଇନ୍ ମହାବିଦ୍ୟାଳୟରୁ ଆଇନ୍ ଶାସ୍ତ୍ରରେ ଡିଗ୍ରି ହାସଲ କରିଛନ୍ତି।