ପ୍ରତି ଆତଙ୍କବାଦୀ ଘଟଣାରେ ଆମକୁ ଦୋଷ ଦେବା ଭାରତର ଅଭ୍ୟାସ : ପାକିସ୍ତାନ
ନୂଆଦିଲ୍ଲୀ : ଅମୃତସରରେ ହୋଇଥିବା ବୋମା ବିସ୍ଫୋରଣରେ କୌଣସି ହାତ ଥିବା କଥାକୁ ପାକିସ୍ତାନ ଅସ୍ୱୀକାର କରିଛି । ଏ ସଂପର୍କରେ ପ୍ରତିକ୍ରିୟା ରଖି ପାକିସ୍ତାନୀ ବୈଦେଶିକ ମନ୍ତ୍ରାଳୟର ମୁଖପାତ୍ର ମହମ୍ମଦ ଫୈଜଲ କହିଛନ୍ତି ଯେ ଭାରତ ଏକ ଅଭ୍ୟାସଗତ ଦୋଷାରୋପକାରୀ । ପ୍ରତି କଥାରେ ପାକିସ୍ତାନକୁ ଦୋଷାରପ କରିବା ଭାରତର ଅଭ୍ୟାସ । ପ୍ରତିଘଟଣାରେ ନିଜର ବିଫଳତାକୁ ଲୁଚାଇବା ଓ ନିର୍ବାଚନ ବେଳେ ପାକିସ୍ତାନକୁ ଅଯଥାରେ ଟାଣିବା ପାଇଁ ଭାରତ ଏପରି ଆରୋପ ଲଗାଉଛି ।
Sambad is now on WhatsApp
Join and get latest news updates delivered to you via WhatsApp
ପଂଜାବର ଅମୃତସରରେ ହୋଇଥିବା ଆତଙ୍କବାଦୀ ଆକ୍ରମଣ ପଛରେ ପାକିସ୍ତାନର ହାତ ଅଛି ବୋଲି ପଂଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଗତକାଲି ସୂଚନା ଦେଇଥିଲେ । ସେ କହିଥିଲେ ଯେ ଏହି ଘଟଣାରେ ବ୍ୟବହୃତ ଗ୍ରେନେଡ ପାକିସ୍ତାନରୁ ଆସିଥିଲା । ପାକିସ୍ତାନୀ ସେନା ଏପରି ଗ୍ରେନେଡ ବ୍ୟବହାର କରିଥାଏ ବୋଲି ସେ ସୂଚନା ଦେଇଥିଲେ । ନିରଙ୍କାରୀ ଆଶ୍ରମରେ ହୋଇଥିବା ଏହି ଆକ୍ରମଣରେ ୩ ନିହତ ହେବା ସହ ୨୦ ଆହତ ହୋଇଥିଲେ । ଏହି ଘଟଣାରେ ସଂପୃକ୍ତ ଦୁଇଜଣ ଅଭିଯୁକ୍ତଙ୍କ ମଧ୍ୟରୁ ଜଣକୁ ଗିରଫ କରାଯାଇଛି । ତାହାର ନାଁ ହେଉଛି ବିକ୍ରମଜିତ ସିଂ (୨୬) । ଅନ୍ୟଜଣକର ନାଁ ହେଉଛି ଅବତାର ସିଂ, ତାକୁ ଖୁବଶୀଘ୍ର ଗିରଫ କରାଯିବ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି ।