ନୂଆଦିଲ୍ଲୀ : ଗୁଜରାଟ ବିଧାନସଭା ନିର୍ବାଚନରେ ବିଜେପି ରେକର୍ଡ ସଫଳତା ହାସଲ କରିଥିବାବେଳେ ଆମ ଆଦମି ପାର୍ଟି (ଆପ୍) ରାଜ୍ୟରେ ଖାତା ଖୋଲିଛି । ଦଳ ୫ଟି ଆସନରେ ବିଜୟ ହାସଲ କରିଛି । ତେବେ ଦଳ ଆଉ ଏକ କାରଣରୁ ଖୁସି ମନାଉଛି । ତାହାର କାରଣ ହେଉଛି ଦଳ ଏକ ଜାତୀୟ ରାଜନୈତିକ ଦଳର ମାନ୍ୟତା ପାଇବାକୁ ଯାଉଛି ।
Sambad is now on WhatsApp
Join and get latest news updates delivered to you via WhatsApp
ଦଳର ଏହି ସଫଳତା ପରେ ଆପ ମୁଖ୍ୟ ଅରବିନ୍ଦ କେଜ୍ରିଓ୍ବାଲ କହିଛନ୍ତି ଯେ ଗୁଜରାଟ ବିଜେପିର ଦୁର୍ଗ ଭାବରେ ପରିଗଣିତ ହୋଇଥାଏ । କିନ୍ତୁ ତାଙ୍କ ଦଳ ବିଜେପିର ଏହି ଦୁର୍ଗରେ ପ୍ରବେଶ କରିବାକୁ ସକ୍ଷମ ହୋଇଛି । ଆରଥରକୁ ସେଠାରୁ ଆମ ଆଦମି ପାର୍ଟି ଜିତିବ । ଆପ ଜାତୀୟ ଦଳ ମାନ୍ୟତା ପାଇବା ପରେ ଦଳର କର୍ମୀମାନଙ୍କୁ ସମ୍ବୋଧନ କରି ସେ ଏକଥା କହିଛନ୍ତି ।
ଗୁଜରାଟରେ ଆମ ଆଦମି ପାର୍ଟି ୧୩ ପ୍ରତିଶତ ଭୋଟ ପାଇବାକୁ ସକ୍ଷମ ହୋଇଛି । ପ୍ରାୟ ୩୯ ଲକ୍ଷ ଲୋକ ଆପକୁ ଭୋଟ ଦେଇଛନ୍ତି ଓ ଏହି ସଂଖ୍ୟା ବଢିଚାଲିଛି । ଏଣୁ ଗୁଜରାଟର ଲୋକଙ୍କ ପ୍ରତି ସେ କୃତଜ୍ଞତା ଜ୍ଞାପନ କରିଛନ୍ତି ।
ସେ ଆହରି ମଧ୍ୟ କହିଛନ୍ତି ଯେ ଆପ ଏକ ଜାତୀୟ ଦଳରେ ପରିଣତ ହୋଇଥିବାରୁ ଏହାର କର୍ମୀ ଓ ଦେଶବାସୀଙ୍କୁ ଅଭିନନ୍ଦନ । ଗୁଜରାଟ ଲୋକ ଆପକୁ ଏକ ଜାତୀୟ ଦଳରେ ପରିଣତ କରିଛନ୍ତି ।