ରାଫେଲ ବିମାନ କିଣା ବାବଦରେ ଅଗ୍ରୀମ ୨୫% ଅର୍ଥ ପ୍ରଦାନ କଲେ ଭାରତ ସରକାର, ସେପ୍ଟେମ୍ବରରେ ପହଞ୍ଚିବ ପ୍ରଥମ ବିମାନ
ନୂଆଦିଲ୍ଲୀ : ଫ୍ରାନ୍ସର ଅତ୍ୟାଧୁନିକ ଲଢୁଆ ବିମାନ ଖରିଦକୁ ନେଇ କଂଗ୍ରେସ ବାରମ୍ବାର ଦୁର୍ନୀତି ଅଭିଯୋଗ ଆଣିବା ସତ୍ତ୍ୱେ ସରକାର ନିଜ ନିଷ୍ପତ୍ତିରେ ଅଟଳ ଅଛନ୍ତି । ନିକଟରେ ସରକାର ମୋଟ ରାଶିର ୨୫ ପ୍ରତିଶତ ପେମେଣ୍ଟ ଫ୍ରାନ୍ସ ସରକାରଙ୍କୁ କରିଛନ୍ତି । ଏହି ଚୁକ୍ତି ଭାରତ ଓ ଫ୍ରାନ୍ସ ସରକାରଙ୍କ ମଧ୍ୟରେ ହୋଇଥିବାରୁ ଭାରତ ସରକାର ଫ୍ରାନ୍ସ ସରକାରଙ୍କୁ ଅର୍ଥ ପ୍ରଦାନ କରିଛନ୍ତି । ଫ୍ରାନ୍ସ ସରକାର ଏହି ଅର୍ଥ ଡାସାଁ ଆଭିଏସନକୁ ପ୍ରଦାନ କରିବେ । ଏ ସଂପର୍କରେ ନ୍ୟୁଜ ଏଜେନ୍ସି ଏଏନଆଇ ଏକ ରିପୋର୍ଟ ପ୍ରକାଶ କରିଛି । ସେହିପରି ବାୟୁସେନା ସୁତ୍ରରୁ ଜଣାପଡିଛି ଯେ ଆସନ୍ତା ବର୍ଷ ସେପ୍ଟେମ୍ବର ମାସରେ ପ୍ରଥମ ରାଫେଲ ବିମାନ ଭାରତରେ ପହଞ୍ଚିବ ।
Sambad is now on WhatsApp
Join and get latest news updates delivered to you via WhatsApp
କିଛିଦିନ ତଳେ ବାୟୁସେନା ମୁଖ୍ୟ ଏୟାର ଚିଫ ମାର୍ସାଲ ଡିଏସ ଧନୋଆ କହିଥିଲେ ଯେ ରାଫେଲ ଭାରତୀୟ ବାୟୁସେନା ପାଇଁ ବେଶ ଜରୁରୀ । ପ୍ରତିରକ୍ଷା କିଣାବିକାରେ ରାଜନୀତି ପୁରାଇବା ଉଚିତ ନୁହେଁ ବୋଲି ସେ କହିଥିଲେ । ମୋଦି ସରକାର ୨୦୧୬ରେ ୩୬ଟି ରାଫେଲ ବିମାନ ଯୋଗାଇବା ପାଇଁ ୫୯ ହଜାର କୋଟି ଟଙ୍କାର ଏକ ଚୁକ୍ତି କରିଥିଲେ । ଏହି ଚୁକ୍ତି ଫ୍ରାନ୍ସ ସରକାରଙ୍କ ସହ ହୋଇଥିଲା ।