ପାଟନା: ବିହାରର କୌମୁର ଜିଲ୍ଲାର ସିଏସପି କେନ୍ଦ୍ର ବାହାରେ ବହୁ ସଂଖ୍ୟାରେ ମହିଳା ଏକତ୍ରିତ ହୋଇଥିଲେ। କେହି ଜଣେ ଗୁଜବ ପ୍ରଚାର କରିଥିଲେ ଯେ ଲୋକସଭା ନିର୍ବାଚନରେ ମହିଳାମାନଙ୍କୁ ୧ ଲକ୍ଷ ଟଙ୍କା ଦେବାକୁ କଂଗ୍ରେସ ପ୍ରତିଶ୍ରୁତି ଦେଇଥିଲା। ସେହି ଯୋଜନା ଅନ୍ତର୍ଗତ ବର୍ତ୍ତମାନ ବ୍ୟାଙ୍କ ଆକାଉଣ୍ଟ ଖୋଲାଯାଉଛି। ସୂଚନାଯୋଗ୍ୟ ଯେ ଲୋକସଭା ନିର୍ବାଚନ ସମ୍ପର୍କରେ କଂଗ୍ରେସ ନିଜର ଇସ୍ତାହାର ପ୍ରକାଶ କରିଥିଲା।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ଏଥିରେ କେନ୍ଦ୍ରରେ ସରକାର ଗଠନ ପରେ ପ୍ରତ୍ୟେକ ମହିଳାଙ୍କୁ ବାର୍ଷିକ ୧ ଲକ୍ଷ ଟଙ୍କା ଦେବାର ପ୍ରତିଶ୍ରୁତି ଦିଆଯାଇଥିଲା। କିନ୍ତୁ ସରକାର ଗଠନ ହୋଇ ନଥିଲା, ମୋହନିଆ ନଗର ଅନ୍ତର୍ଗତ ସିଏସପି କେନ୍ଦ୍ରରେ ଆକାଉଣ୍ଟ ଖୋଲିବା ବିଷୟରେ କେହି ଗୁଜବ ପ୍ରଚାର କରିଥିଲେ। ଯାହା ପରେ ବହୁ ସଂଖ୍ୟାରେ ମହିଳା ଶନିବାର ସକାଳରୁ ସିଏସପି କେନ୍ଦ୍ରରେ ପହଞ୍ଚିବା ଆରମ୍ଭ କରିଥିଲେ ।
ଅଧିକାରୀମାନେ ମହିଳାମାନଙ୍କୁ ବୁଝାସୁଝା କରିଥିଲେ। କିନ୍ତୁ ଆକାଉଣ୍ଟ ଖୋଲିବା ନେଇ ମହିଳାମାନେ ଅଧିକାରୀଙ୍କ ସହ ଯୁକ୍ତିତର୍କ ଆରମ୍ଭ କରିଥିଲେ। ଦୀର୍ଘ ସମୟ ଧରି ମହିଳାମାନଙ୍କୁ ବୁଝାଇବା ପରେ ମହିଳାମାନେ ଶେଷରେ ବୁଝିଥିଲେ। ଏହା ପରେ ସେମାନେ ଫେରି ଯାଇଥିଲେ।
Rumor Causes Rush at CSP Centre in Kaimur, Bihar as Women Seek Rs 1 Lakh Payout https://t.co/6lLYbeS55J
— Patna Press (@patna_press) June 15, 2024
କାଉନସିଲର ପ୍ରତିନିଧୀ ରବିକାନ୍ତ କହିଛନ୍ତି ଯେ ଲୋକସଭା ନିର୍ବାଚନ ସମୟରେ ମହିଳା ମାନଙ୍କୁ ୧ ଲକ୍ଷ ଟଙ୍କା ପ୍ରଦାନ କରାଯିବ ବୋଲି କଂଗ୍ରେସ ଇସ୍ତାହାରରେ କୁହାଯାଇଥିଲା। ତେଣୁ ମହିଳାମାନେ ଗୁଜବ ଶୁଣି ଖାତା ଖୋଲିବାକୁ ଆସିଥିଲେ। ଏତେ ସଂଖ୍ୟକ ମହିଳାଙ୍କୁ ଦେଖି ସେ ସ୍ଥାନୀୟ ପ୍ରଶାସନକୁ ସୂଚନା ଦେଇଥିଲେ।
ମୋହନିଆ ବିଡିଓ ସଞ୍ଜୟ ଦାସ ଏହି ପ୍ରସଙ୍ଗକୁ ଖଣ୍ଡନ କରି କହିଛନ୍ତି ଯେ ଆକାଉଣ୍ଟ ଖୋଲିବାକୁ ମହିଳାମାନେ ବିଭିନ୍ନ ବ୍ଲକରୁ ଆସୁଛନ୍ତି। ଏକ ଆକାଉଣ୍ଟ ଖୋଲିବାରେ କିଛି ଲାଭ ଉପଲବ୍ଧ, ହେବ ଏହା ସଂପୂର୍ଣ୍ଣ ଗୁଜବ। ସେପରି କୌଣସି ଯୋଜନା ନାହିଁ। ପ୍ରବଳ ଖରାରେ ଗୁଜବକୁ ବିଶ୍ବାସ କରି ମହିଳାମାନେ ନିଜ ପିଲାମାନଙ୍କ ସହିତ ଏଠାକୁ ଆସିଥିଲେ। ସେ ଏପରି କୌଣସି ଗୁଜବ ପ୍ରତି ଧ୍ୟାନ ନଦେବାକୁ ମହିଳାମାନଙ୍କୁ ନିବେଦନ କରିଥିଲେ।