ଚଣ୍ଡିଗଡ଼ : ହରିୟାଣାର ସୋନିପତ ଜିଲ୍ଲା ଅଧୀନ ସନ୍ଦଲ କଲାନ ଗ୍ରାମରେ ରବିବାର ସନ୍ଧ୍ୟାରେ ଏକ ମସଜିଦ ଉପରେ ଆକ୍ରମଣ ‌ହୋଇଛି। କିଛି ଲୋକ ହାତରେ ଲାଠି ଧରି ମସଜିଦ ଭିତରେ ପଶିଥିଲେ ଏବଂ ଲୋକମାନେ ନମାଜ ପାଠ କରୁଥିବାବେଳେ ସେମାନଙ୍କ ଉପରେ ଆକ୍ରମଣ କରିଥିଲେ। ସେମାନେ ମସଜିଦ ଭଙ୍ଗାରୁଜା କରିଥିଲେ। ଉକ୍ତ ଘଟଣାରେ ୧୦ ଜଣ ଗିରଫ ହୋଇଛନ୍ତି। ଏହି ଘଟଣା ପରେ ସମ୍ପୃକ୍ତ ଅଞ୍ଚଳରେ ଅଧିକ ପୁଲିସ ମୁତୟନ ହୋଇଛନ୍ତି। କିନ୍ତୁ ଗ୍ରାମରେ ଏବେ ସ୍ଥିତି ଶାନ୍ତିପୂର୍ଣ୍ଣ ରହିଛି ବୋଲି ସୋନିପତ ପୁଲିସ ଅଧିକାରୀ କହିଛନ୍ତି।