ପ୍ରତି ମିନିଟରେ ପୃଥିବୀରୁ ଅଦୃଶ୍ୟ ହୋଇଯାଉଛି ୧୦ ଫୁଟବଲ କ୍ଷେତ୍ର ସହିତ ସମାନ ଜଙ୍ଗଲ: ସଙ୍କଟରେ ରହିଛି ଭାରତ

ଆନ୍ନାପୋଲିସ୍: ବିଶ୍ବ ପ୍ରତି ମିନିଟରେ ହାରାହାରି ୧୦ ଟି ଫୁଟବଲ୍ କ୍ଷେତ୍ରର ଆକାର ସହିତ ସମାନ ଟ୍ରପିକାଲ୍ ଜଙ୍ଗଲ ହରାଉଛି । ୨୦୨୩ ମସିହାରେ ସମଗ୍ର ବିଶ୍ୱରେ ୩୭ ଲକ୍ଷ ହେକ୍ଟରରୁ ଅଧିକ ଜଙ୍ଗଲ ନଷ୍ଟ ହୋଇଯାଇଥିଲା। ଏହା ଭୁଟାନର ଆକାର ସହିତ ପ୍ରାୟ ସମାନ । ମେରିଲ୍ୟାଣ୍ଡ ୟୁନିଭରସିଟି ଏବଂ ୱାର୍ଲ୍ଡ ରିସୋର୍ସ ଇନଷ୍ଟିଚ୍ୟୁଟର ଗ୍ଲୋବାଲ ଫରେଷ୍ଟ ୱାଚ୍ ରିପୋର୍ଟରେ ଏହି ସୂଚନା ଆସିଛି। ଏହି ଅନୁଯାୟୀ, ୨୦୨୩ ମସିହାରେ ଭାରତରେ ୨୧,୬୭୨ ହେକ୍ଟର ଜଙ୍ଗଲ ନଷ୍ଟ ହୋଇଯାଇଥିଲା।

ଅଧ୍ୟୟନରେ, ଦ୍ରୁତ ଜଙ୍ଗଲ ନଷ୍ଟ ହେବା ଏବଂ ଅଙ୍ଗାରକାମ୍ଳ ସଂରକ୍ଷଣ କରିବାର କ୍ଷମତାକୁ ଦୃଷ୍ଟିରେ ରଖି ଅନୁସନ୍ଧାନକାରୀମାନେ ଟ୍ରପିକାଲ୍ ଜଙ୍ଗଲ ଉପରେ ବିଶେଷ ଧ୍ୟାନ ଦେଇଛନ୍ତି। ଏହା ସହିତ କୃଷି, ବ୍ୟାପକ ଜଙ୍ଗଲ ନଷ୍ଟ ହେବା ଏବଂ ଅଗ୍ନିକାଣ୍ଡରେ ନଷ୍ଟ ହେବା ଭଳି ଜଙ୍ଗଲର କ୍ଷତି ପାଇଁ ଦାୟୀ କାରଣଗୁଡିକ ଉପରେ ଧ୍ୟାନ ଦିଆଯାଇଛି।

ବ୍ରାଜିଲରେ ଅଧିକାଂଶ ବିନାଶ ହୋଇଥିବା ରିପୋର୍ଟରେ ଉଲ୍ଲେଖ କରାଯାଇଚି। ବିଶ୍ବ ସ୍ତରରେ ବ୍ରାଜିଲରେ ସର୍ବାଧିକ ଜଙ୍ଗଲ ଅଞ୍ଚଳ ନଷ୍ଟ ହେଉଛି। ତେବେ ପରିବେଶ ସଚେତନତା ପରେ ପରିସ୍ଥିତି ଦ୍ରୁତ ଗତିରେ ବଦଳୁଛି। ଏହା ପରେ ତାଲିକାରେ ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋ ଏବଂ ବୋଲିଭିଆ ଯଥାକ୍ରମେ ଦ୍ୱିତୀୟ ଏବଂ ତୃତୀୟ ସ୍ଥାନରେ ଅଛନ୍ତି। ଅବଶ୍ୟ, ବ୍ରାଜିଲ ପରି, ଏହି ଦୁଇ ଦେଶରେ ୨୦୨୩ରେ ଜଙ୍ଗଲ ଅଧିକ ନଷ୍ଟରେ ହୋଇ ନାହିଁ। ୨୦୨୩ ମସିହାରେ କଙ୍ଗୋ ଅଢ଼େଇ ଲକ୍ଷ ହେକ୍ଟରରୁ ଅଧିକ ଜଙ୍ଗଲ ହରାଇପାରେ ବୋଲି ପୂର୍ବାନୁମାନ କରାଯାଇଥିଲା।

ଭାରତରେ ମଧ୍ୟ ଜଙ୍ଗଲ ନଷ୍ଟରେ ବୃଦ୍ଧି ଘଟିବାରେ ଲାଗିଛି। ରିପୋର୍ଟ ଅନୁଯାୟୀ, ୨୦୨୩ ମସିହାରେ ଭାରତରେ ୨୧,୬୭୨ ହେକ୍ଟର ଜମି ଥିବା ପ୍ରାଥମିକ ଜଙ୍ଗଲ ନଷ୍ଟ ହୋଇଯିବ ବୋଲି ଆଶା କରାଯାଉଛି। ୨୦୨୨ ମସିହାରେ, ଏହି କ୍ଷତି ୨୧,୮୩୯ ହେକ୍ଟରରେ ରେକର୍ଡ କରାଯାଇଥିଲା। ୨୦୦୧ ରୁ ୨୦୨୩ ମଧ୍ୟରେ, ଭାରତ ୨୩.୩ ଲକ୍ଷ ହେକ୍ଟର ଜମିରେ ଜଙ୍ଗଲ ହରାଇଛି। ୨୦୦୦ ମସିହାରୁ ଏହା ଛଅ ପ୍ରତିଶତ ଜଙ୍ଗଲ ହ୍ରାସ ସହିତ ସମାନ। ୨୦୧୩ ରୁ ୨୦୨୩ ମଧ୍ୟରେ ଭାରତରେ ବୃକ୍ଷର ଆବରଣର ୯୫ ପ୍ରତିଶତ କ୍ଷତି ପ୍ରାକୃତିକ ଜଙ୍ଗଲ ମଧ୍ୟରେ ଘଟିଛି । ବେଆଇନ ଭାବେ ଗଛ କାଟିବା ଏବଂ ଜଙ୍ଗଲରେ ନିଆଁ ଲାଗିବା ଏଥିରେ ପ୍ରମୁଖ ଭୂମିକା ଗ୍ରହଣ କରିଛି। ଫଳରେ

ଗ୍ରୀନ୍ ହାଉସ୍ ଗ୍ୟାସ୍ ନିର୍ଗମନ ବୃଦ୍ଧି ପାଉଛି। ବିଶ୍ବ ସ୍ତରରେ, ଏହି ଜଙ୍ଗଲ କଟା ଯାଇ ଜମିକୁ ବ୍ୟବହାର ଉପଯୋଗୀ ଭାବେ ପରିବର୍ତ୍ତନ ହେଉଛି। ତାହା ଦ୍ବାରା ଗ୍ରୀନ୍ ହାଉସ୍ ଗ୍ୟାସ୍ ନିର୍ଗମନରେ ଏକ ବୃହତ ବୃଦ୍ଧି ଘଟୁଛି। ୨୦୨୩ ମସିହାରେ ଜଙ୍ଗଲ ନଷ୍ଟ ପ୍ରାୟ ୨୪୦ କୋଟି ଟନ୍ କାର୍ବନ ଡାଇଅକ୍ସାଇଡ୍ ନିର୍ଗମନ ସହିତ ସମାନ ଥିଲା । ଏହି ଜୀବାଶ୍ମ ଯୁକ୍ତରାଷ୍ଟ୍ରର ଜୀବାଶ୍ମ ଇନ୍ଧନରୁ ବାର୍ଷିକ ନିର୍ଗମନର ପ୍ରାୟ ଅଧା।

ରିପୋର୍ଟ ଅନୁଯାୟୀ, ଯଦିଓ ୨୦୨୨ ତୁଳନାରେ ୨୦୨୩ ମସିହାରେ ଜଙ୍ଗଲ ନଷ୍ଟରେ ନଅ ପ୍ରତିଶତ ହ୍ରାସ ଘଟିଛି, ତଥାପି ଶହ ଶହ ବର୍ଷ ଧରି ସଂରକ୍ଷିତ ଜଙ୍ଗଲଗୁଡିକ ନଷ୍ଟ ହୋଇଯାଉଛି ଯାହା ସ୍ପଷ୍ଟ ଭାବରେ ଦର୍ଶାଉଛି ଯେ ଆମକୁ ୨୦୩୦ ସୁଦ୍ଧା ଜଙ୍ଗଲ ସଂରକ୍ଷଣ କରିବା ଆବଶ୍ୟକ। ସୂଚନାଯୋଗ୍ୟ ଯେ ଗ୍ଲାସ୍ଗୋରେ ଆୟୋଜିତ ସିଓପି-୨୬ ସମୟରେ ୨୦୩୦ ସୁଦ୍ଧା ବିଶ୍ବର ୧୪୪ଟି ଦେଶର ନେତାମାନେ ଜଙ୍ଗଲକୁ ସୁରକ୍ଷା କରିବାକୁ ପ୍ରତିଶ୍ରୁତି ଦେଇଥିଲେ।