କର୍ଣ୍ଣାଟକ: କରୋନାରେ ଆକ୍ରାନ୍ତ ହେଲା ୧୦ମାସର ଶିଶୁ
ବେଙ୍ଗାଳୁରୁ: ଆଜି (ଶୁକ୍ରବାର) ସକାଳେ ମହାରାଷ୍ଟ୍ର,, ତେଲେଙ୍ଗାନା ଏବଂ ଆଣ୍ଡାମାନରେ ନୂଆ କରୋନା ରୋଗୀ ଚିହ୍ନଟ ହେବା ପରେ ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୭୩୦ଅତିକ୍ରମ କରିଛି। କୋଭିଡ-୧୯ ଯୋଗୁଁ ମୃତ୍ୟୁ ସଂଖ୍ୟା ୧୮ରେ ପହଞ୍ଚିଥିବା ବେଳେ ଏବେ କର୍ଣ୍ଣାଟକରେ ଏକ ୧୦ମାସର ଶିଶୁ କରୋନା ଆକ୍ରାନ୍ତ ହୋଇଥିବା ଜଣା ପଡିଛି | ଦକସିନା କନ୍ନଡରେ ରହୁଥିବା ୧୦ମାସର ଶିଶୁପୁତ୍ରର ନମୁନା ପରୀକ୍ଷା କରାଯିବା ପରେ ସେ କରୋନା ଦ୍ୱାରା ଆକ୍ରାନ୍ତ ଥିବା ସ୍ପଷ୍ଟ ହୋଇଛି | କର୍ଣ୍ଣାଟକରେ ଶୁକ୍ରବାର ଦିନ ସାତଟି ନୂଆ ମାମଲା ରେକର୍ଡ ହୋଇଛି, ଯାହାଦ୍ୱାରା ଆକ୍ରାନ୍ତଙ୍କ ସଂଖ୍ୟା ୬୧ରେ ପହଞ୍ଚିଛି। ଆକ୍ରାନ୍ତ ହୋଇଥିବା ଶିଶୁଟି କୌଣସି ସ୍ଥାନକୁ ଯାତ୍ରା ନକରି ମଧ୍ୟ ସେ ସଂକ୍ରମିତ ହୋଇଥିବା ଜଣା ପଡିଛି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହା ପୂର୍ବରୁ କର୍ଣ୍ଣାଟକର ତୁମ୍କୁରୁରେ ରହୁଥିବା ୬୫ବର୍ଷୀୟ ବାସିନ୍ଦା ଶୁକ୍ରବାର ଦିନ ଚିକିତ୍ସା ସମୟରେ ମୃତ୍ୟୁ ବରଣ କରିଥିଲେ | ମୃତ ବ୍ୟକ୍ତି ମାର୍ଚ୍ଚ ୫ରେ ଟ୍ରେନ ଯୋଗେ ଦିଲ୍ଲୀ ଯାଇ ୧୧ମାର୍ଚ୍ଚରେ ତୁମ୍କୁରୁ ଫେରିଥିଲେ। ସେହି ଟ୍ରେନରେ ଯାତ୍ରା କରୁଥିବା ସମସ୍ତ ଯାତ୍ରୀଙ୍କୁ ଏବେ ଚିହ୍ନଟ କରାଯାଉଛି, ଯାହା ଦ୍ୱାରା ସେମାନଙ୍କୁ ସଙ୍ଗରୋଧରେ ରଖା ଯାଇପାରିବ |