୧୦୦ କୋଟି ଟିକା ମାଇଲଖୁଣ୍ଟ : ତ୍ରିରଙ୍ଗାରେ ଆଲୋକିତ ହେଲା କୋଣାର୍କ ସମେତ ଦେଶର ୧୦୦ଟି ଐତିହ୍ୟସ୍ଥଳୀ
ଭୁବନେଶ୍ବର : ଆଜି ଦେଶରେ ୧୦୦ କୋଟି ମାତ୍ରା କରୋନା ଟିକା ଦିଆଯିବା ମାଇଲଖୁଣ୍ଟକୁ ପାଳନ କରିବାକୁ ଭାରତୀୟ ପ୍ରତ୍ନତତ୍ତ୍ବ ସର୍ଭେକ୍ଷଣ ସଂସ୍ଥା (ଏଏସଆଇ) ପକ୍ଷରୁ ଦେଶର ୧୦୦ଟି ପ୍ରସିଦ୍ଧ ଐତିହ୍ୟସ୍ଥଳୀକୁ ଆଲୋକିତ କରାଯାଇଛି । ଜାତୀୟ ପତାକାର ତିନୋଟି ରଂଗର ଆଲୋକ ଦ୍ବାରା ଏହି ୧୦୦ଟି ଭାସ୍କର୍ଯ୍ୟକୁ ଆଲୋକିତ କରାଯାଇଛି । ଓଡ଼ିଶାର ବିଶ୍ବ ପ୍ରସିଦ୍ଧ କୋଣାର୍କ ମନ୍ଦିରକୁ ମଧ୍ୟ ତ୍ରିରଙ୍ଗା ଆଲୋକରେ ଆଲୋକିତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଲୋକିତ ହୋଇଥିବା ଅନ୍ୟ ୟୁନେସ୍କୋ ବିଶ୍ବଐତିହ୍ୟ ସ୍ଥଳଗୁଡ଼ିକ ମଧ୍ୟରେ ରହିଛି ଲାଲ କିଲ୍ଲା, ହୁମାୟୁନଙ୍କ କବର, କୁତବ ମୀନାର, ଆଗ୍ରା ଦୂର୍ଗ, ଫତେପୁର ସିକ୍ରି, ତାମିଲନାଡ଼ୁର ମାମଲାପୁରମ ରଥ ମନ୍ଦିର, ଗୋଆର ସେଣ୍ଟ ଫ୍ରାନ୍ସିସ ଚର୍ଚ୍ଚ, ଖଜୁରାହୋ, ରାଜସ୍ଥାନର କୁମ୍ଭଲଗଡ଼ ଓ ଚିତ୍ତୋର ଦୂର୍ଗ, ଗୁଜୁରାଟର ଧୋଲାବୀରା ଓ ବିହାରର ନାଲନ୍ଦା ବିଶ୍ବବିଦ୍ୟାଳୟ । ସେହିପରି କୋଲକାତାର ପୁରୁଣା କରେନ୍ସି ବିଲଡିଂ, ମେଟକ୍ୟାଫେ ହଲକୁ ମଧ୍ୟ ଆଲୋକିତ କରାଯାଇଛି । ସୂଚନାଯୋଗ୍ୟ ଯେ, ଭାରତ ଆଜି ୧୦୦ କୋଟି ମାତ୍ରା କରୋନା ଟିକା ପ୍ରଦାନ କରି ଏକ ମହତ୍ବପୂର୍ଣ୍ଣ ମାଇଲଖୁଣ୍ଟ ଅତିକ୍ରମ କରିଛି ।