ଆଇପିଏଲ୍ : କୋଲକାତା ଆଗରେ ୧୦୪ ରନର ଲକ୍ଷ୍ୟ ରଖିଲା ଚେନ୍ନାଇ

ଚେନ୍ନାଇ : ଚେନ୍ନାଇର ଏମ.ଏ. ଚିଦାମ୍ବରମ୍ ଷ୍ଟାଡିୟମଠାରେ ଖେଳାଯାଉଥିବା ଆଇପିଏଲ ୨୦୨୫ର ୨୫ତମ ମ୍ୟାଚରେ କୋଲକାତା ନାଇଟରାଇଡର୍ସ ଆଗରେ ୧୦୪ ରନର ଲକ୍ଷ୍ୟ ରଖିଛି ଚେନ୍ନାଇ ସୁପରକିଙ୍ଗସ୍ । ପ୍ରଥମେ ବ୍ୟାଟିଂ କରିଥିବା ଚେନ୍ନାଇ ନିର୍ଦ୍ଧାରିତ ୨୦ ଓଭରରେ ୯ ଓ୍ବିକେଟ ହରାଇ ୧୦୩ ରନ କରିଥିଲା । ଏହାକୁ ଚିପକରେ ଚେନ୍ନାଇର ସବୁଠାରୁ କମ ସ୍କୋର ବୋଲି କୁହାଯାଉଛି ।

ଏହି ମ୍ୟାଚରେ କୋଲକାତା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିଥିବା ଚେନ୍ନାଇ ପକ୍ଷରୁ ଦେଓ୍ବନ କନଓ୍ବେ ଓ ରାଚିନ ରବୀନ୍ଦ୍ର ବ୍ୟାଟିଂ ଓପନ କରିଥିଲେ । କିନ୍ତୁ ରାଚିନ ମାତ୍ର ୪ ରନ କରିଆଉଟ ହୋଇଥିଲେ । କନଓ୍ବେ ମଧ୍ୟ ୧୪ ରନ କରି ଆଉଟ ହୋଇଥିଲେ । ଏହାପରେ ଦଳର ବ୍ୟାଟିଂରେ ଆଉ ସୁଧାର ଦେଖିବାକୁ ମିଳିନଥିଲା । ତେବେ ଶୁଭମ ଦୁବେ ଓ ବିଜୟ ଶଙ୍କର କିଛି ସମୟ କୋଲକାତା ବୋଲରଙ୍କ ମୁକାବିଲା କରିଥିଲେ । ଦୁବେ ୩୧ ରନ ଓ ଶଙ୍କର ୨୯ ରନ କରିଥିଲେ । କିନ୍ତୁ ଦଳର ଅନ୍ୟ ବ୍ୟାଟ୍ସମ୍ୟାନମାନେ ଶୋଚନୀୟ ଭାବେ ବିଫଳ ହୋଇଥିଲେ । 

କୋଲକାତା ପକ୍ଷରୁ ସୁନୀଲ ନାରାୟଣ ୩ଟି ଓ୍ବିକେଟ ନେଇଥିବାବେଳେ ବରୁଣ ଚକ୍ରବର୍ତ୍ତି ଓ ହର୍ଷିତ ରାଣା ୨ଟି ଲେଖାଏଁ ଓ୍ବିକେଟ ନେଇଥିଲେ ।