ବେଜିଂ: ଭାରତ ପରେ ଏବେ ପଡୋଶୀ ଚୀନ୍ ମଧ୍ୟ ଡ଼ିଜିଟାଲ ଷ୍ଟ୍ରାଇକ୍ କରି ନେଇଛି ପ୍ରତିଶୋଧ । ଆମେରିକା ସମେତ ଦୁନିଆର ବଡ଼ ବଡ଼ ଦେଶର ପ୍ରସିଦ୍ଧ ଆପ୍ ଉପରେ କଟକଣା ଲଗାଇଛି ଚୀନ୍ । ପ୍ରାୟ ୧୦୫ଟି ଆପ୍ ଉପରେ ନିଷେଧାଦେଶ ଜାରି କରିଛି ଚୀନ୍ । ଏହି ଆପଗୁଡ଼ିକୁ ତୁରନ୍ତ ଆପ୍ ଷ୍ଟୋରରୁ ହଟାଇବାକୁ ନିର୍ଦ୍ଦେଶ ଦିଆଯାଇଛି । ଚୀନ ନିଜ ଦେଶର ଆପ୍ ଷ୍ଟୋରରୁ ଆମେରିକା ଟ୍ରାଭେଲ ଏଜେଂଟ ଟ୍ରିପ୍ ଆଡ଼ଭାଇଜର ଆପ୍ ସମେତ ୧୦୫ଟି ଆପ୍ ହଟାଇ ଦେଇଛି । ଏହି ଆପଗୁଡ଼ିକରେ ଅଶ୍ଳୀଳତା, ଗଣଦୁଷ୍କର୍ମ, ଜୁଆ ଖେଳ ଏବଂ ହିଂସା ଭଳି ବିଷୟବସ୍ତୁ ବିସ୍ତାର କରୁଥିବା ଅଭିଯୋଗ କରିଛି ଚୀନ ।
Sambad is now on WhatsApp
Join and get latest news updates delivered to you via WhatsApp
ଏହି ସବୁ ଆପ୍ ଚୀନର ଏକରୁ ଅଧିକ ସାଇବର ନିୟମ ଉଲ୍ଲଂଘନ କରୁଛନ୍ତି ବୋଲି ବିବୃତି ଜାରି କରିଛି ଚୀନ ସାଇବର ସ୍ପେସ୍ ପ୍ରଶାସନ । ଚଳିତ ବର୍ଷ ଭାରତ ଚୀନ ସୀମା ବିବାଦ ପରେ ଟିକଟକ୍, ପବଜି ଆଦି ୨୨୦ଟି ଚାଇନା ମୋବାଇଲ ଆପ୍ ଉପରେ ଭାରତରେ କଟକଣା ଲଗାଯାଇଛି। ଜୁନ୍ ୨୦୨୦ରେ ଭାରତ ଟିକଟକ୍ ସମେତ ୫୯ଟି ମୋବାଇଲ ଆପ୍ଲିକେସନ୍ ଉପରେ ପ୍ରତିବନ୍ଧକ ଲଗାଇଥିଲା । ପରେ ସେପ୍ଟେମ୍ବର ୨ରେ ୧୧୦ଟି ଅନ୍ୟ ଆପ୍ ଉପରେ ମଧ୍ୟ କଟକଣା ଲଗାଯାଇଥିଲା । ଏଥିମଧ୍ୟରୁ ଅଧିକାଂଶ ଚୀନ ସଂସ୍ଥା ଦ୍ୱାରା ପରିଚାଳିତ ହେଉଥିଲା ।