୧୧ କେନ୍ଦ୍ରମନ୍ତ୍ରୀଙ୍କ ଟ୍ବିଟ୍ ବିରୋଧରେ କଂଗ୍ରେସର କାର୍ଯ୍ୟାନୁଷ୍ଠାନ ଦାବି
ସତ୍ୟ ଡରେ ନାହିଁ: ରାହୁଲ
ନୂଆଦିଲ୍ଲୀ: କେନ୍ଦ୍ର ସରକାର ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଯୋଜନାବଦ୍ଧ ଭାବେ ବଦନାମ କରିବା ପାଇଁ କଂଗ୍ରେସ ଟୁଲ୍କିଟ୍ ପ୍ରସ୍ତୁତ କରି ସେହି ଆଧାରରେ କାମ କରୁଛି ବୋଲି ବିଜେପି ଅଭିଯୋଗ କରିଥିବା ବେଳେ ଏହାକୁ ନେଇ ଦିନକୁ ଦିନ ରାଜନୀତି ସରଗରମ ହେବାରେ ଲାଗିଛି। ଟୁଲ୍କିଟ୍କୁ ବିଜେପି ନେତାମାନେ ଟ୍ବିଟର୍ରେ ସେୟାର କରିବା ପରେ ଟ୍ବିଟର୍ କର୍ତ୍ତୃପକ୍ଷ ବିଜେପି ପ୍ରବକ୍ତା ସମ୍ବିତ ପାତ୍ରଙ୍କ ଟ୍ବିଟ୍କୁ ‘ବିଭ୍ରାନ୍ତିକର ପୋଷ୍ଟ’ (ମାନିପୁଲେଟେଡ଼ ମିଡିଆ) ଭାବେ ଟ୍ୟାଗ୍ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ତେବେ ଆଜି କଂଗ୍ରେସ ଦାବି କରିଛି ଯେ ମୋଟ ୧୧ ଜଣ କେନ୍ଦ୍ରମନ୍ତ୍ରୀ ଏ ବାବଦରେ ବିବାଦୀୟ ଟ୍ବିଟ୍ କରିଥିବାରୁ ସେହି ସମସ୍ତଙ୍କ ପୋଷ୍ଟ୍ରେ ‘ବିଭ୍ରାନ୍ତିକର ପୋଷ୍ଟ୍’ ଟ୍ୟାଗ୍ କରାଯାଉ । କଂଗ୍ରେସ ନେତା ରଣଦୀପ୍ ସୂର୍ଯେୱାଲା ଏହି ମନ୍ତ୍ରୀମାନଙ୍କ ତାଲିକା ଟ୍ବିଟର୍କୁ ପଠାଇବା ସହ ତୁରନ୍ତ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଅନ୍ୟପକ୍ଷରେ କଂଗ୍ରେସ ନେତା ରାହୁଲ ଗାନ୍ଧି ଆଜି ଏ ବାବଦରେ ଟ୍ବିଟ୍ କରି କହିଛନ୍ତି ‘ସତ୍ୟ ଡେରେ ନାହିଁ’। ଅପପ୍ରଚାର ବିରୋଧରେ ସଂଘର୍ଷ ଜାରି ରହିବ ବୋଲି ରାହୁଲ କହିଛନ୍ତି।