୧୧ମାସ ଶିଶୁର ଗୋଡ଼କୁ ପ୍ଲାଷ୍ଟର କରିବା ପାଇଁ ପ୍ରଥମ ଥର ଏଭଳି ବାଟ ଆପଣାଇଲେ ଡାକ୍ତର
ନୂଆଦିଲ୍ଲୀ : ଦିଲ୍ଲୀରେ ଏକ ୧୧ମାସ ଶିଶୁର ଯେଉଁଭଳି ଭାବରେ ଗୋଡ଼ ପ୍ଲାଷ୍ଟର କରାଯାଇଛି, ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ପ୍ଲାଷ୍ଟର ସମୟରେ ଶିଶୁଟି ଏପଟ ସେପଟ ହେଉଥିବାରୁ ଡାକ୍ତର ଠିକ୍ ଭାବରେ ଚିକିତ୍ସା କରି ପାରୁ ନ ଥିଲେ । ଏହା ପରେ ଶିଶୁଟିର ମା’ ଡାକ୍ତରଙ୍କୁ ଯେଉଁ ବାଟ ବତାଇଥିଲେ, ତାହା ଡାକ୍ତରଙ୍କୁ ପ୍ଲାଷ୍ଟର କରିବାରେ ସାହାଯ୍ୟ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦୁଇ ସପ୍ତାହ ତଳେ ୧୧ମାସର ଜିକରା ଖଟରୁ ତଳକୁ ଖସି ପଡ଼ିବାରୁ ଚିକିତ୍ସା ପାଇଁ ତାଙ୍କୁ ଦିଲ୍ଲୀର ଲୋକନାୟକ ହସ୍ପିଟାଲକୁ ଅଣାଯାଇଥିଲା । ସେଠାରେ ପରୀକ୍ଷା କରାଯିବା ପରେ ଜିକରାର ବାମ ଗୋଡ଼ ଭାଙ୍ଗି ଯାଇଥିବା କହିଥିଲେ ଡାକ୍ତର । ଏହା ପରେ ଚିକିତ୍ସା ଆରମ୍ଭ କରାଯାଇଥିଲା । କିନ୍ତୁ ପ୍ଲାଷ୍ଟର ସମୟରେ ଜିକରା ଅସ୍ଥିର ହେଉଥିବାରୁ ଡାକ୍ତର ଠିକ୍ ଭାବରେ ଚିକିତ୍ସା କରି ପାରୁ ନଥିଲେ । ଏ ନେଇ ଶିଶୁର ମା’ଙ୍କୁ କୁହାଯିବା ପରେ ସେ ଡାକ୍ତରଙ୍କୁ ଏକ ସହଜ ବାଟ ବତାଇଥିଲେ । ଜିକରା ଖାଇବା ସମୟରେ ନିଜ ପ୍ରିୟ କଣ୍ଢେଇକୁ ଖୁଆଇବା ପରେ ଯାଇ ଖାଏ । ସେହି କଣ୍ଢେଇ ସାହାଯ୍ୟରେ ଆପଣ ପ୍ଲାଷ୍ଟର କରି ପାରିବେ ବୋଲି ଡାକ୍ତରଙ୍କୁ ଜଣାଇଥିଲେ ଜିକରାର ମା’ । ପରେ କଣ୍ଢେଇକୁ ଅଣାଯିବା ସହ ଜିକରା ସହ କଣ୍ଢେଇ ଗୋଡ଼ରେ ମଧ୍ୟ ପ୍ଲାଷ୍ଟର କରାଯାଇଥିଲା । ଯାହାଦ୍ୱାରା ଜିକରା ସ୍ଥିର ହୋଇ ଶୋଇବା ସହ ଡାକ୍ତରଙ୍କୁ ପ୍ଲାଷ୍ଟର କରାଇବାକୁ ଦେଇଥିଲେ । ଏବେ ସେ ସୁସ୍ଥ ଥିବା ବେଳେ ଡାକ୍ତରଖାନାରେ ଆଉ କିଛି ଦିନ ରହିବେ ବୋଲି କହିଛନ୍ତି ଡାକ୍ତର ।