କଂଗ୍ରେସ ପ୍ରାର୍ଥୀ ହେବାକୁ ହେଲେ ଦେବାକୁ ପଡ଼ିବ ୧୧ ହଜାର ଟଙ୍କା, ଉତ୍ତରପ୍ରଦେଶ କଂଗ୍ରେସ ଅଧ୍ୟକ୍ଷ ଜାରିକଲେ ନିର୍ଦ୍ଦେଶନାମା
ନୂଆଦିଲ୍ଲୀ: କଂଗ୍ରେସ ପ୍ରାର୍ଥୀ ହୋଇ ନିର୍ବାଚନରେ ଲଢ଼ିବାକୁ ଚାଁହୁଛନ୍ତି କି? ଯଦି ହଁ, ତେବେ ଆପଣଙ୍କୁ ଆବେଦନ ପତ୍ର ସହ ୧୧ ହଜାର ଟଙ୍କା ଜମା କରିବାକୁ ପଡିବ | ତେବେ ଏହା ଓଡ଼ିଶାରେ ନୁହେଁ ବରଂ ଉତ୍ତରପ୍ରଦେଶରେ କାର୍ଯ୍ୟକାରୀ ହେବାକୁ ଯାଉଛି | ମିଳିଥିବା ସୂଚନା ମୁତାବକ ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ କଂଗ୍ରେସ ଟିକଟ ପାଇଁ ଜଣେ ଆବେଦନ କରିପାରିବେ | ତେବେ କଂଗ୍ରେସ ଟିକେଟରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ହେଲେ ଆବେଦନ ଫର୍ମ ସହିତ ୧୧ ହଜାର ଟଙ୍କା ଦାଖଲ କରିବାକୁ କୁହାଯାଇଛି |
Sambad is now on WhatsApp
Join and get latest news updates delivered to you via WhatsApp
ନିର୍ଦ୍ଦେଶ ଅନୁଯାୟୀ, ସେପ୍ଟେମ୍ବର ୨୫ ସୁଦ୍ଧା ୧୧ ହଜାର ଟଙ୍କା ଜମା କରିବାକୁ ପଡିବ। ଉତ୍ତରପ୍ରଦେଶ କଂଗ୍ରେସ ସଭାପତି ଅଜୟ କୁମାର ଲାଲୁ ଏହି ନିର୍ଦ୍ଦେଶ ଦେଇଛନ୍ତି। ଲାଲୁ କହିଛନ୍ତି ଯେ ଏହାକୁ ସହଯୋଗ ରାଶି ଭାବେ ବିବେଚନା କରାଯିବ | କୌଣସି ସଂଗଠନ ବା ଦଳକୁ ଆଗକୁ ନେବାକୁ ହେଲେ ସହଯୋଗ ଆବଶ୍ୟକ |
उत्तर प्रदेश कांग्रेस पार्टी के अध्यक्ष अजय कुमार लल्लू ने कहा कि उत्तर प्रदेश विधानसभा चुनाव लड़ने वाले आवेदकों को आवेदन के साथ 11,000 का शुल्क 25, सितंबर तक जमा कराना होगा। pic.twitter.com/tkDsLURxn4
— ANI_HindiNews (@AHindinews) September 15, 2021
ସୂଚନା ଥାଉ କି ଯେ ଆସନ୍ତା ୨୦୨୨ ବିଧାନସଭା ନିର୍ବାଚନ ପାଇଁ ଆବେଦନ ଫର୍ମ ଗ୍ରହଣ କରିବା ଦାୟିତ୍ୱ ଦୁଇ ନେତା ସଞ୍ଜୟ ଶର୍ମା ଏବଂ ବିଜୟ ବାହାଦୂରଙ୍କୁ ଦିଆଯାଇଛି | ସମସ୍ତ ଆବେଦନକାରୀ ଏହି ଦୁଇ ନେତାଙ୍କ ସହ ଯୋଗାଯୋଗ କରି ସେମାନଙ୍କର ଆବେଦନ ଫର୍ମ ସହ ୧୧ ହଜାର ଟଙ୍କା ଜମା କରିବେ |