ପରିବାର ସହିତ ମଲ ବୁଲିବାକୁ ଯାଇଥିବା ଶିଶୁର ଟଏ ଟ୍ରେନ ଦୁର୍ଘଟଣାରେ ହେଲା ମୃତ୍ୟୁ

ନୂଆଦିଲ୍ଲୀ: ପଞ୍ଜାବର ରାଜଧାନୀ ଚଣ୍ଡୀଗଡ଼ରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୧୧ବର୍ଷର ଶିଶୁର ମୃତ୍ୟୁ ହୋଇଯାଇଥିବା ଜଣାପଡ଼ିଛି। ମଲରେ ପିଲାଙ୍କ ମନୋରଞ୍ଜନ ପାଇଁ ଥିବା ଏକ ଟଏ ଟ୍ରେନ ଓଲଟି ପଡ଼ିବାରୁ ୧୧ବର୍ଷର ଶିଶୁର ମୃତ୍ୟୁ ହୋଇଯାଇଥିବା ଅଭିଯୋଗ ହୋଇଛି।

ସୂଚନାଯୋଗ୍ୟ, ଚଣ୍ଡୀଗଡ଼ର ନୱାସହର‌ରେ ପରିବାର ସହିତ ବସବାସ କରୁଥିବା ଶିଶୁ ଏଲାନ୍ତେ ମଲକୁ ବୁଲିବାକୁ ଆସିଥିଲା। ମଲ ଭିତରେ ଥିବା ଟଏ ଟ୍ରେନରେ ଶିଶୁ ବସିବାକୁ ଜିଦ କରିବାରୁ ବାପା ତାକୁ ଟ୍ରେନର ଶେଷ ଡବାରେ ବସାଇ ଦେଇଥିଲେ।

ଟ୍ରେନଟି ମଲ ସାରା ବୁଲୁଥିବା ବେଳେ ହଠାତ ଏକ ମୋଡାଣିରେ ଓଲଟି ପଡ଼ିଥିଲା। ଯେଉଁ କାରଣରୁ ଉକ୍ତ ଶିଶୁର ଗଳାରେ ଆଘାତ ଲାଗିବାରୁ ସେ ଅଚେତ ହୋଇପଡ଼ିଥିଲା। ପରିବାରଲୋକ ଶିଶୁକୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲ ନେଇଥିଲେ ହେଁ ଡାକ୍ତର ତାକୁ ମୃତ ଘୋଷଣା କରିଥିଲେ।

ଏହି ଘଟଣାକୁ ‌ନେଇ ଏଲାନ୍ତେ ମଲ ପରିଚାଳକ ପ୍ରତିକ୍ରିୟା ଦେଇ କହିଛନ୍ତି, ‘୨୦୨୪ ଜୁନ ୨୨ ତାରିଖରେ ହୋଇଥିବା ଏହି ଦୁଃଖଦ ଘଟଣା ବିଷୟରେ ଆମକୁ ଖବର ମିଳିଛି। ଏହି ଦୁର୍ଘଟଣା ଘଟିବା ପରେ ଆମର ଜରୁରୀକାଳିନ ‌ସେବା ପ୍ରଦାନକାରୀ ସଂସ୍ଥା ସଙ୍ଗେସଙ୍ଗେ ଶିଶୁକୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲେ। କିନ୍ତୁ ଦୁଃଖର ବିଷୟ ଡାକ୍ତର ଶିଶୁକୁ ମୃତ ଘୋଷଣା କରିଥିଲେ। ଏହି ଘଟଣା ସମ୍ପର୍କରେ ଆମେ ତୁରନ୍ତ ପୁଲିସକୁ ଜଣାଇଥିଲୁ। ପୁଲିସ ଯାଞ୍ଚ ଆରମ୍ଭ ‌କରି ଦେଇଛି। ଆମ ପୁଲିସର ଯାଞ୍ଚରେ ସମ୍ପୂର୍ଣ୍ଣ ଭାବେ ସହଯୋଗ କରିବୁ।

ମଲ ବିରୋଧରେ ଫେଜ ୧ ପୁଲିସ ଷ୍ଟେସନରେ ଧାରା ୩୦୪ ଜରିଆରେ ମାମଲା ରୁଜୁ କରାଯାଇଥିବା ଚଣ୍ଡୀଗଡ଼ ପୁଲିସ ସୂତ୍ରରୁ ପ୍ରକାଶ ପାଇଛି।