ମୋଦୀଙ୍କ ପାଇଁ ମୁସଲମାନ ଚାଷୀଙ୍କ ପାଖରୁ କିଣାଗଲା ପଦ୍ମଫୁଲ
ତିରୁବନନ୍ତପୁରମ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର କେରଳର ପ୍ରସିଦ୍ଧ ଗୁରୁବାୟୁର କୃଷ୍ଣ ମନ୍ଦିର ଦର୍ଶନ କରିବାକୁ ଯାଇଥିଲେ |ଏଠାରେ ତୁଲାଭରଣ ନାମକ ପୂଜା ପରମ୍ପରା ରହିଛି | ଯେଉଁ ପୂଜାରେ ବହୁ ସଂଖ୍ୟାରେ ପଦ୍ମଫୁଲ ବ୍ୟବହାର ହୋଇଥାଏ | ମିଳିଥିବା ସୂଚନା ମୁତାବକ ଏହି ପୂଜା ପାଇଁ ବ୍ୟବହାର ହେବାକୁ ଥିବା ୧୧୨ କିଲୋଗ୍ରାମ ପଦ୍ମ ଫୁଲ ଜଣେ ମୁସଲମାନ ଚାଷୀଙ୍କ ପାଖରୁ କିଣାଯାଇଥିଲା | ଲୋକସଭା ନିର୍ବାଚନରେ ବିପୁଳ ବାଜିମାତ ପରେ ପ୍ରଧାନମନ୍ତ୍ରୀ କେରଳ ଗସ୍ତରେ ଯାଇଛନ୍ତି |
Sambad is now on WhatsApp
Join and get latest news updates delivered to you via WhatsApp
ଏହି ମନ୍ଦିର ବୋର୍ଡର ଚେୟାରମ୍ୟାନ କେବି ମୋହନ ଦାସ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ପୂଜା ପାଇଁ ୧୧୨ କିଲୋର ପଦ୍ମଫୁଲର ବ୍ୟବସ୍ଥା କରାଯାଇଥିଲା | କିଛି ଫୁଲ ତାମିଲନାଡ଼ୁରୁ ମଗାଯାଇଥିବାବେଳେ ଅଧିକାଂଶ ଫୁଲ ଜଣେ ମୁସଲମାନ ଚାଷୀଙ୍କ ପାଖରୁ କିଣାଯାଇଥିଲା | ଏଠାରେ ସୂଚନା ଥାଉ କି ୧୦୦ ବର୍ଷରୁ ଅଧିକ ସମୟ ଧରି ମୁସଲମାନ ଚାଷୀ ପଦ୍ମଫୁଲ ଚାଷ କରୁଛନ୍ତି |
ରାଜ୍ୟସାରା ଥିବା ମନ୍ଦିରମାନଙ୍କରେ ଏହି ଫୁଲର ବ୍ୟବହାର କରାଯାଇଥାଏ | ଗୁରୁବାୟୁର ସହିତ ଆଖପାଖ ଅଞ୍ଚଳରେ ପ୍ରାୟ ମନ୍ଦିରମାନଙ୍କରେ ପାଖାପାଖି ୨୦ ହଜାର ଫୁଲ ନିୟମିତ ବ୍ୟବହାର ହୋଇଥାଏ |